Telegram-канал "𝗙𝗘𝗥𝗠𝗘𝗥.𝗨𝗭" — @fermer_uzbekistan

𝗙𝗘𝗥𝗠𝗘𝗥.𝗨𝗭

10 Jun, 20:17

⚡️КЕНГАШДАН МУНОСАБАТ: Фермерларнинг ери олиниб, Хитойлик инвесторларга берилиши ҳақидаги хабарларга мутлақо йўл қўйиб бўлмайди.

"Ижтимоий тармоқларда “экишни ҳоҳламаган, ғалла, пилла режасини бажармаган, солиқ тўламаган фермер хўжаликларининг ерлари олиниб, Хитойлик инвесторларга берилиши ҳақида” Ургут туман хокимининг кишлок ва сув хужалиги масаласи буйича уринбосари З.Омоновнинг хабари муҳокамаларга сабаб бўлмоқда. Бундай ҳолатларга мутлақо йўл қўйиб бўлмайди.

Фермер хўжаликларининг ҳуқуқлари ва қонуний манфаатлари, шу жумладан мулк ҳуқуқи, ер ижара ҳуқуқининг дахлсизлиги Ўзбекистон Республикаси Конституцияси, “Фермер хўжалиги тўғрисида”ги Қонун, Ер кодекси, Ўзбекистон Республикаси Президентининг Фармон ва қарорлари билан кафолатланган.

Ўзбекистон Республикаси Президентининг 2022 йил 24 августдаги ПФ-198-сонли Фармонига мувофиқ, 2022 йил 1 сентябрдан бошлаб ер участкаларига бўлган ҳуқуқнинг вужудга келиши учун асос бўлган ҳужжатларни, шу жумладан Вазирлар Маҳкамаси, маҳаллий давлат ҳокимияти органларининг ҳужжатларини уларнинг ўзи ёки юқори турувчи орган ва мансабдор шахслар томонидан, хусусан прокурор протести асосида бекор қилиш йўли билан ер участкасига бўлган ҳуқуқни тугатиш мумкин эмас.

Амалдаги қонунчиликка мувофиқ, фермер хўжаликларининг ер ижара шартномаси унинг нотариал тасдиқланган розилик аризасига асосан томонларнинг келишувига кўра ёки фақат суд томонидан бекор қилиниши мумкин.

Фармонга кўра, Вазирлар Маҳкамаси истисно тариқасида чет эллик инвесторлар, шу жумладан чет эл инвестициялари иштирокидаги корхоналар, чет эллик юридик ва жисмоний шахслар томонидан қиймати камида 10 миллион АҚШ доллари эквивалентида бўлган йирик инвестиция лойиҳасини амалга ошириш учун - энг яхши таклифни танлаб олиш йўли билан лойиҳа қийматининг камида 5 фоизига тенг маблағ аввалдан махсус ҳисобрақамга жойлаштирилганда ҳамда ер участкасига ижара ҳуқуқининг баҳоловчи ташкилот томонидан аниқланадиган бозор қийматига нисбатан коэффициентларда белгиланадиган миқдордаги маблағни Давлат бюджетига тўлаш шарти билан ер участкаларини тўғридан-тўғри ижарага беришга ҳақли.

Юқоридаги асоссиз, ҳақиқатга тўғри келмайдиган хабарларни гапириб юрганлар ҳам қонуний жазосини олишига ишонамиз", дейилади хабарда.

▪️Каналимиздаги видео ҳаволаси:
https://t.me/fermer_uzbekistan/8477

🔘🔘🔘

Фермерларимизнинг 1-рақамли канали: FERMER.UZ

9k 5 101 4 65

𝗙𝗘𝗥𝗠𝗘𝗥.𝗨𝗭

10 Jun, 19:31

⚡️FERMER.UZ КАНАЛИМИЗДА ҲАВОЛА ҚИЛИНГАН ВА ФЕРМЕРЛАРИМИЗ ОРАСИДА КАТТА ҚАРШИЛИККА ДУЧ КЕЛГАН КЕЧАГИ ВИДЕОЛАВҲА БЎЙИЧА KUN.UZ ҲАМ ХАБАР ҚИЛДИ:

“Экишни хоҳламаганларнинг ери хитойликларга берилади” – Ургутда фермерлар шундай огоҳлантирилди.

Самарқанд вилоятининг Ургут туманида амалдор пилла, ғалла ва пахта режасини бажармаган, солиқларни тўламаган фермер хўжаликларининг ерлари хитойлик инвесторларга берилишини айтди. У видеомурожаатида Хитойдан келган инвесторлар аллақачон ҳудуддаги ерлар билан таништирилаётганини билдирган.

Ургут туманида амалдор ҳудуддаги фермерларни ерини хитойликларга бериб юбориш билан огоҳлантирди. У бу гапни фермерларга мурожаатида айтиб ўтган.

Kun.uz’га келиб тушган видеодаги амалдор ўзини Ургут тумани “Агропроми” ходими З.Амонов деб таниширган. У маҳаллий фермерларга видеомурожаат қилиб, пилла, пахта режасини бажармаган, солиқ тўламаганларнинг ери хитойлик инвесторларга берилишини айтган.

“Ҳурматли агрофирма раислари, ҳурматли масъуллар! Биз ҳали Хитойга борганимизни айтгандик, мана, хитойликлар келиб, ерларни кўришни бошлади. Экишни хоҳламаган, пиллани, ғаллани бажармаган, солиқ тўламаганларнинг ерини беришни бошлаймиз.

Мана, сувли майдонларни оламан деяпти хитойликлар. 2 минг гектар майдонни кўрсатиб чиқяпмиз. Яна оламиз. Шунинг учун ишлашни хоҳламаган, ер керак бўлмаган, ноқонуний қурилиш қилиб ташлаган, платформани қилмайдиган, пиллани бажармайдиган фермерларнинг рўйхатини зудлик билан, душанба куни 11:00 гача барча агрофирма раислари бериши керак.

Қонун талабини бажармайдиган фермерларнинг рўйхатини беринг. Мана, ҳозир сизга яхши шанс бўлди. Мана шу видеохабарни ҳаммага юборинг”, деган Амонов ўз видеомурожаатида.

🔹Каналимиздаги видеолавҳа ҳаволаси:
https://t.me/fermer_uzbekistan/8477

Видео ижтимоий тармоқларда тарқалиб кетгандан кейин Амонов уни ўчиртиришга уринган. У англашилмовчилик бўлганини, инвестиция киритиш, иш ўринларини яратиш мақсадида бу мурожаатни чиқарганини айтган.

“Фермер хўжалиги тўғрисида”ги қонуннинг 3-моддасига кўра фермер хўжалиги ижарага берилган ер участкаларидан фойдаланган ҳолда қишлоқ хўжалиги маҳсулотини етиштириш ҳамда қонунчиликда тақиқланмаган бошқа фаолият турлари билан шуғулланувчи тадбиркорлик субъектидир. Ушбу қонуннинг 22-моддасида фермер хўжаликларининг хўжалик фаолиятига давлат органлари ҳамда бошқа органлар ва ташкилотлар, шунингдек уларнинг мансабдор шахслари аралашувига йўл қўйилмаслиги келтириб ўтилган.

Шунингдек, Ер кодексининг 24-моддасига кўра ер участкаларини ижарага олиш шартномасини муддатидан олдин бекор қилиш тарафларнинг келишуви билан, бундай келишувга эришилмаган тақдирда эса суднинг ҳал қилув қарори билан амалга оширилади, дейилади хабарда.

🔘🔘🔘

Фермерларимизнинг 1-рақамли канали: FERMER.UZ

7.1k 0 66 7 50

𝗙𝗘𝗥𝗠𝗘𝗥.𝗨𝗭

9 Jun, 17:47

00:59

Видео недоступно для предпросмотра

Смотреть в Telegram

⚡️ҲУҚУҚИЙ АСОС БОРМИ БУ ВИДЕОЛАВҲАГА: "Режани бажармаган фермерлар ери хитойликларга сотилармиш!".

🔘🔘🔘

Фермерларимизнинг 1-рақамли канали: FERMER.UZ

10.5k 13 254 109 100

𝗙𝗘𝗥𝗠𝗘𝗥.𝗨𝗭

9 Jun, 17:46

❕ТЕЗКОР ХАБАРЛАР:

⚡️ СИРДАРЁ ВИЛОЯТИ: Ховос тумани собиқ ҳокими қамоқ жазосига ҳукм қилинди.

Ховос туманининг собиқ ҳокими Учқун Камолов давлатга бир неча миллиард доллар зарар етказганликда айбдор деб топилди, деб ёзади Kun.uz суд ҳужжатларига таяниб.

Текширув давомида у 144 гектар қишлоқ хўжалиги ерларини тадбиркорларга қонунга хилоф равишда бериб қўйгани, бунинг натижасида 8,8 миллиард сўм зарар етказилгани аниқланган. Шунингдек, бир қанча майдонларнинг унумдор тупроқ қатлами олиб ташланган, бу эса давлатга 6,3 миллиард сўмлик қўшимча зарар келтирган.

Дастлабки ҳукм жарима ва давлат идораларида ишлашни тақиқлашни ўз ичига олган бўлса, 2025 йил январида суд жазони қаттиқлаштириб, Камоловни 3 йилу 5 ой, 23 кунга озодликдан маҳрум қилди ва 99 миллион сўм жаримага тортди.

Назорат органи 30 май куни қарорни ўз кучида қолдирди. Камолов туманга 2020-йил апрелидан буён раҳбарлик қилган ва 2023-йил август ойида ҳеч қандай тушунтиришсиз ишдан бўшатилган, дейилади хабарда.

🔘🔘🔘

⚡️ХОРАЗМ ВИЛОЯТИ: Қишлоқ хўжалиги бўлими масъул ходими қўлга олингани хабар қилинди. У 29 гектар ерни ҳужжатлаштириб бериш эвазига 4 минг доллар олган.

Хабар қилинишича, Хоразм вилоятининг Янгиариқ тумани қишлоқ хўжалиги бўлимининг масъул ходими туман ҳудудида жойлашган ва “Хоразм давлат ўрмон хўжалиги” давлат муассасаси балансида бўлган 29 гектар ер майдонини чорвачилик йўналишида 49 йил муддатга ижара асосида фойдаланиш учун олиб бериш ва мансабдор танишлари орқали кадастр ҳужжатларини расмийлаштириб бериш эвазига фуқародан 4000 АҚШ доллари талаб қилади.

Давлат хавфсизлик хизмати ҳамда Иқтисодий жиноятларга қарши курашиш департаменти ҳамкорлигида ўтказилган тезкор тадбирда мазкур шахс 3900 АҚШ доллари ва 1.297.000 сўм пул маблағини олган вақтида ашёвий далиллар билан ушланди.

Унга нисбатан Жиноят Кодексининг 168-моддаси 2-қисми “а” банди ва 28,211-моддаси 1-қисми билан жиноят иши қўзғатилиб, тергов ҳаракатлари олиб борилмоқда, дейилади хабарда.

🔘🔘🔘

Фермерларимизнинг 1-рақамли канали: FERMER.UZ

5.1k 0 12 1 23

𝗙𝗘𝗥𝗠𝗘𝗥.𝗨𝗭

9 Jun, 17:46

Репост из: Ikar Uzbekistan

01:04

Видео недоступно для предпросмотра

Смотреть в Telegram

⚡️ХИТОЙ ПАХТАСИДАН МАКСИМАЛ ЮҚОРИ ҲОСИЛ ОЛИШ ЙЎЛИДА: Европа Иттифоқида таниқли IKAR ўғитлари билан ишлов берилаётган майдондан лавҳалар.

🔥9 июн, 2025 йил.

Шу кунгача қўлланилган ўғитлар рўйхати:

30 апрел, 1-суспензия: Ikar Bigo roots - 0,5 л/га

10 май, 2-суспензия: Ikar Fosto - 0,5 л/га

9 июн, 3-суспензия: Аминозол - 0,5 л/га + Ikar Kalisto 0,5 л/га

🅰️🅰️🅰️🅰️

ЕВРОПА ФЕРМЕРИДЕК ИЛҒОР БЎЛИНГ!

Ўзбекистондаги расмий дистрибьютери Agromineral LLC компанияси.

Мурожаат учун телефонлар:
+998997132363
+998970099691

Қорақалпоғистон Республикаси ва Хоразм вилояти бўйича вакил:
+998993112771
+998905752771

📱IKAR UZBEKISTAN

4.3k 0 18 21

𝗙𝗘𝗥𝗠𝗘𝗥.𝗨𝗭

9 Jun, 17:45

⚡️ҲАМДАРДМИЗ: Бухоролик таниқли фермер Азим ака Латипов вафот этгани хабар қилинди.

Ўзбекистон Қаҳрамони, фаол фермер Азим ака Латипов 6 июнь куни 74 ёшида вафот этгани айтилмоқда. У «Азим Шофиркон юлдузи» фермер хўжалиги раҳбари сифатида мамлакатимизда фермерлик ҳаракатини ривожлантиришда фаоллигини намоён этганди.

Марҳум Бухоро вилоятининг Шофиркон туманида фаолият олиб бориб, узоқ йиллар давомида Ватан тараққиёти, халқ манфаатлари йўлида ҳалол ва фидокорона хизмат қилиб, кўпчилик ҳурматини қозонган, халқ орасида ҳурмат-эътибор топган, ҳаёти ва фаолияти билан ёшларга ўрнак бўлган инсон эди.

У сенатор сифатида Олий Мажлис Сенатида фаолият олиб бориб, маҳаллий муаммоларни республика даражасига олиб чиқишда ва уларни ҳал этишда фаол қатнашган», – дейилади Бухоро вилояти Шофиркон тумани ҳокимлиги хабарида.

Азим Латипов 1951 йил 6 июнь Бухоро вилоятининг Шофиркон туманида таваллуд топган. Меҳнат фаолиятини 1971 йилда чорвачилик механиги сифатида жамоа хўжалигида бошлаган. Бухоро вилоятида пахтачилик, ғаллачилик, чорвачилик соҳаларда фаолият юритган.

Деҳқончиликда эса эски қовун навларини қайта яратиш, ҳосилдорликни ошириш каби фаолият билан ҳам шуғулланган. 1996-2007 йиларда Бухоро жамоа хўжалиги раиси лавозимида фаолият юритган.

1996 йилда «Шуҳрат медали», 2002 йилда «Ўзбекистон Қаҳрамони» унвони билан тақдирланган. Уч бора Ўзбекистон Республикаси Олий Мажлиси Сенати аъзолигига сайланган. 2004-2019 йилларда Сенатнинг Аграр, сув масалалари ва экология қўмитаси аъзоси сифатида фаолият олиб борган. 2004 йилдан Халқ депутатлари Бухоро вилояти кенгаши депутати сифатида фаолият юритаётган эди.

Каналимиз жамоаси номидан фермернинг оила аъзолари ва яқинларига ҳамдардлигимизни изҳор қиламиз.

Инна лиллаҳи ва инна илайҳи рожиъун!

🔘🔘🔘

Фермерларимизнинг 1-рақамли канали: FERMER.UZ

4.2k 0 4 5 27

𝗙𝗘𝗥𝗠𝗘𝗥.𝗨𝗭

9 Jun, 17:45

⚡️РАҚОБАТ ҚЎМИТАСИ: Фермерга қўйилган асоссиз қарз олиб ташланди!

Рақобат қўмитаси Сирдарё вилояти ҳудудий бошқармасига “Сирдарё юксак ҳосили” фермер хўжалиги электр энергияси учун амалга оширилган тўловларга қарамасдан, “Ҳудудий электр тармоқлари” АЖ “Энергосавдо” филиали Сирдарё бўлинмаси томонидан 88 миллион сўм миқдорида асоссиз қарздорлик ҳисоблангани юзасидан мурожаат қилган.

Ҳудудий бошқарма томонидан ўтказилган ўрганишлар натижасида ҳақиқий қарз миқдори 13,7 миллион сўм экани аниқланган.

“Энергосавдо” филиали томонидан Ўзбекистон Республикасининг “Рақобат тўғрисида”ги қонуни ва Вазирлар Маҳкамасининг тегишли қарори билан тасдиқланган Низом талаблари бузилгани маълум бўлди.

Аниқланган қонунбузарлик ҳолати юзасидан “Энергосавдо” филиалига нисбатан иш қўзғатилди ҳамда кўрилган чоралар натижасида корхона ўз ихтиёри билан қонунбузарликни бартараф этди.

Асоссиз ҳисобланган 75 миллион сўмлик нореал қарздорлик қайта ҳисоб-китоб қилиниб, фермер хўжалигининг ҳуқуқлари тикланди, дейилади хабарда.

🔘🔘🔘

Фермерларимизнинг 1-рақамли канали: FERMER.UZ

5.2k 0 15 31

𝗙𝗘𝗥𝗠𝗘𝗥.𝗨𝗭

5 Jun, 21:16

⚡️ҚУРБОН ҲАЙИТИ АЙЁМИНГИЗ МУБОРАК БЎЛСИН!

Ўзбекистондаги барча заҳматкаш ва матонатли, энг шарафли касб эгалари бўлган фермерларимизни ҳамда қишлоқ хўжалигига алоқадор барча юртдошларимизни Ийди Қурбон айёми билан муборакбод этамиз.

🔹🔹🔹

Фермерларимизнинг 1-рақамли канали: FERMER.UZ

14k 0 107 54

𝗙𝗘𝗥𝗠𝗘𝗥.𝗨𝗭

5 Jun, 21:15

⚡️ҚОРАҚАЛПОҒИСТОН РЕСПУБЛИКАСИ: Шуманай туманида ғўза 5 тагача шоналади!

Оразгул опани Қорақалпоғистон Республикасида кўпчилик танийди. Кўп йиллардан буён онахон "Абылкайыр" фермер хўжалиги раҳбари сифатида фаолият олиб боради. Аллоҳдан онахонга узоқ умр, мустаҳкам соғлик ва юқори ҳосиллар сўраймиз.

✅Қўшимча маълумотлар учун Қорақалпоғистондаги расмий вакил: Дуйсенбай Отарбаев:
+998993112771

16 ЙИЛДАН БУЁН ЎЗГАРМАС СИФАТ!

БИРГАЛИКДА СОҒЛОМ МАҲСУЛОТ ЕТИШТИРАМИЗ!

Марказий Осиёда ягона бўлган кенг спектрдаги микробиологик препаратлар ишлаб чиқарувчи: "Anguzal Agroservis" компанияси.

Бош офис манзили: Тошкент шаҳри, Олтин водий кўчаси, 1-уй.

Компания телефонлари:
+998994300064
+998941150064

Расмий сайт: anguzal.uz

👇👇👇
https://youtu.be/UDaDDvIjEno?si=P6_pvsIyPKc25-VS

5 ИЮН: Қорақалпоғистонлик таниқли фермер Оразгул опа далаларида ғўза 5 тагача шоналади! #пахта

Оразгул опани Қорақалпоғистон Республикасида кўпчилик танийди. Онахон "Абылкайыр" фермер хўжалиги раҳбари ҳисобланади. Аллоҳдан онахонга узоқ умр, мустахкам соғлик ва юқори ҳосиллар сўраймиз. ✅Қўшимча маълумотлар учун Қорақалпоғистондаги расмий вакил: Дуйсенбай Отарбаев: +998993112771 16 ЙИЛДАН БУ...

8.4k 0 12 34

𝗙𝗘𝗥𝗠𝗘𝗥.𝗨𝗭

5 Jun, 16:30

⚡️ҲАР БИР КГ ПИЛЛА УЧУН ҲОКИМ СОЛИҒИ: Наманган вилоятининг Учқўрғон туманида фаолият олиб бораётган фермерлар мурожаат йўлладилар.

"Ўзбекистон Республикаси Президенти Ш.М. Мирзиёевга,
Ўзбекистон Республикаси ДХХ раиси Б.Н. Қурбоновга,
Ўзбекистон Республикаси Ички ишлар вазири А.А.Тошпўлатовга:

Ҳозирги кунда пилла йиғим-терими авж палласида давом этмоқда. Лекин Учқўрғон туманида пилла йиғим-терими ўрнига туман ҳокими Д. Мирханов ва унинг қишлоқ хўжалиги бўйича ўринбосари Ф. Алматов бошчилигида фермер хўжаликларидан ҳар бир килограмм пилла учун 20000 сўмдан пул йиғиш ишлари жадал суръатда амалга оширилмоқда.

Пилла корхонаси билан фермер хўжаликлари шартнома имзоламаган бўлса-да, туман ҳокими Д. Мирханов томонидан сунъий режа ишлаб чиқилган. Ҳеч бир фермер хўжалигида пилла корхонаси билан тузилган шартнома мавжуд эмас. Лекин фермерларга босим ўтказилиб, қуруқ шартномаларга муҳр босдириб олинган.

Пилла корхонасига туман ҳокими пилла учун йиғилган пуллар ўзига қайтиб келишини таъминлаш мақсадида "Зокир" исмли яқин танишини раҳбар қилиб тайинлаган. 15 кундан бери фермер хўжаликларига босим ўтказиб, эрталаб соат 05:30 да ва кечки 17:00 да йиғилишлар ўтказилмоқда.

Фермерларнинг ғалла ва пахта агротехникаси билан ҳеч кимнинг иши йўқ. Ҳар бир килограмм пилла учун нақд пул талаб қилинмоқда. Пули йўқ фермерлардан мажбуран чек олиб, ҳоким бошчилигида ўринбосари Ф. Алматов, Юсуфжон исмли ҳокимият ходими ва Ривожиддин исмли қишлоқ хўжалиги бўлими ходими Агробанкдан нақд пул олиб чиқиб кетмоқда. Бу пулларга умуман пилла олинмаган.

Ф. Алматов бу ишларни Улуғбек Исаков ва Чўлпонов Акмал деган коррупционер ва жиноятчи ходимлар билан амалга оширмоқда. Улар фермерлардан 20000 сўмдан пул олиб, пилла топширилмаган бўлса ҳам режа бажарилди деб ҳисоблашмоқда. Уларнинг кунлик иши — фермерлардан пул йиғиш. Агробанк раҳбари Дилмурод ҳам бу ишларга шерик.

Чек бермаган фермерларнинг минерал ўғит ва ёқилғи пули тўхтатилган. 30 май куни соат 20:00 да пилла учун чек бермаган ва пилла топширмаган фермер хўжаликлари участка инспекторлари томонидан мажбурий равишда туман ИИБга олиб келинди. Туман ИИБ бошлиғи У. Муродуллаев Агробанк раҳбарини ҳам чақиртириб, мажбурий равишда чек бериш бўйича топшириқ берди.

У. Муродуллаев томонидан пул ёки чек бермаган фермерларга жиноят иши қўзғатилиши ёки ерини заҳирага олиш бўйича ҳоким топшириқ бергани айтилди. Туманда жиноятчилик янги ИИБ раҳбари келганидан бери ортмоқда. У ўз вазифаси билан шуғулланмаяпти.

Президентимиз томонидан секторлар тугатилган бўлса-да, фермерлар жуда қийин аҳволда қолмоқда. Минерал ўғит, ёқилғи ва далада қаттиқ иссиқда меҳнат қилаётган аёлларга ҳам пул топиб беришнинг иложи йўқ. Қишлоқ аёлларининг кунлик пахтани чопиқ ва яганадан топган даромадидан бошқа манбаи йўқ. Топган пулларга фақат мажбуран пилла олмоқдамиз.

28 май куни кечки соат 20:00 да ҳоким Д. Мирханов пиллахонада ўтказган йиғилишда:
«Хоҳлаган жойингга ёз, хоҳласанг блогер олиб кел — ҳеч киминг қўлидан ҳеч нарса келмайди, туманда менман ҳоким, мен айтганим бўлади», — деб фермерларга таҳдид қилган.

Шунингдек, у:
«Олдин ҳам ёзиб кўрдинг, менга ҳеч ким чора кўра олмайди, ҳеч ким ишдан ҳам бўшатолмайди», — деган.

Президентимиз Ш.М. Мирзиёев!
Шу ишлар адолатлими? Қонунга тўғри келадими?

Сиздан, Учқўрғонлик фермерлар номидан илтимос қиламиз:
Туман ҳокими Д. Мирханов, унинг ўринбосари Ф. Алматов ва пиллахона раҳбари Зокир исмли шахснинг қишлоқ хўжалиги ва пиллачилик соҳасидаги фаолиятини ўрганиб, қонуний чора кўриб берсангиз.

Ўзбекистон Республикаси ДХХ раиси ва Ички ишлар вазири А.А. Тошпулатов раҳбарлигида алоҳида ишчи гуруҳ тузиб, ушбу ҳолатларни адолатли ва холисона ўрганиб, биз фермерларга амалий ёрдам беришингизни сўраймиз. Жуда қийин аҳволда қолдик".

⚠️Учқўрғон тумани ҳокимлигидан расмий муносабат кутамиз. Фермерлар мурожаатлари мутасаддилар эътиборидаги Facebook тармоғидаги саҳифа ва гуруҳларимизда ҳам ҳавола этилмоқда.

🔘🔘🔘

Фермерларимизнинг 1-рақамли канали: FERMER.UZ

9.6k 0 183 17 122

𝗙𝗘𝗥𝗠𝗘𝗥.𝗨𝗭

5 Jun, 16:29

⚡️БИРЖАДАН ХАБАР: 4 июн кунги савдоларда 3-синфга мансуб буғдойнинг 1 кг ўртача нархи 2585 сўм сотилган.

🔘🔘🔘

Фермерларимизнинг 1-рақамли канали: FERMER.UZ

6.3k 0 26 2 29

𝗙𝗘𝗥𝗠𝗘𝗥.𝗨𝗭

5 Jun, 05:08

⚡️345-СОНЛИ ҲУКУМАТ ҚАРОРИ ВА УНИНГ ИЛОВАЛАРИ ЭЪЛОН ҚИЛИНДИ: "2025 йил ҳосилидан буғдой харид қилиш ва ички бозорни дон билан барқарор таъминлаш чора-тадбирлари тўғрисида".

🔘🔘🔘

Фермерларимизнинг 1-рақамли канали: FERMER.UZ

9k 0 106 2 40

𝗙𝗘𝗥𝗠𝗘𝗥.𝗨𝗭

31 May, 21:16

⚡️ЯНА ПҚ-131 БЎЙИЧА: Қарор ижросини ҳосил йиғим-терими тугагунгача тўхтатиб туриш - энг яхши йўл.

Ҳозирда жуда кўп қарздорлиги бўлган фермерларни айнан мазкур 131-қарорда белгиланган тартиб қўрқитаётгани тайин. МИБ ходимлари томонидан уларнинг ерларини аукционга чиқариш ишлари аллақачон бошлаб юборилган.

Бу вазиятда қандай йўл тутиш лозим?

Аввало, 28.03.2025 йилдаги ПҚ-131-сонли "Қишлоқ хўжалигида ердан фойдаланиш самарадорлигини ошириш ва маҳсулот етиштириш ҳажмини кўпайтириш бўйича қўшимча чора-тадбирлар тўғрисида"ги Президент қарори моҳиятини тўғри тушиниб олиш лозим бўлади.

Мазкур қарорга кўра, Суд ҳужжатлари ва бошқа органларнинг ҳужжатларини ижро этиш жараёнида ундирувни қарздорнинг қишлоқ хўжалигига мўлжалланган ер участкасини узоқ муддатга ижарага олиш ҳуқуқига қаратишда қуйидаги соддалаштирилган тартиб жорий этилди.

- ундирувни ижара ҳуқуқига қаратиш учун туман ҳокимининг, яъни ижарага берувчининг розилиги талаб этилмайди; (Бу дегани, тўғридан тўғри аукционга чиқариш мумкин)

- ижара ҳуқуқини баҳолаш талаб этилмайди, давлат ижрочиси ваколатли ташкилотлардан ер участкасининг норматив қийматини аниқлаб, унга тенг бўлган бошланғич нарх миқдорини мулкий ҳуқуқни хатлаш далолатномасида кўрсатади; (Яъни МИБ ходими айкционга ерни чиқариши учун ернинг норматив қийматини аниқлаши ва далолатнома тузиши керак бўлади).

- электрон онлайн аукцион савдолари ушбу қарорнинг 2-банди талабларини инобатга олган ҳолда ўтказилади;

- электрон онлайн аукцион савдолари натижалари тўғрисидаги баённома ер ижараси шартномаси бўйича ҳуқуқлар ва мажбуриятлар қолган муддатга қарздордан аукцион ғолибига ўтганлигини — қайта ижарани давлат рўйхатидан ўтказиш учун асос ҳисобланади.

Яъни бу ерда қарздор фермер хўжалиги ерни 49 йилга олган ва 10 йилидан фойдаланган бўлса, қолган 39 йиллик ижара ҳуқуқи аукцион савдолари орқали сотилади.

ПҚ-131 бўйича МИБ ходимларига ерга бўлган ижара ҳуқуқларини аукционга чиқаришда жуда муҳим бўлаган вазифалар юклатилган, унга кўра:

Биринчидан, қарздор қишлоқ хўжалигига мўлжалланган ер участкалари ижарачилари иштирокидаги ижро ишлари рўйхатини шакллантириш. Яъни бу ерда фермер хўжалигининг ижрога қаратилган қарздорлиги бўлиши керак. Агар фермер хўжалигининг қарзи бўлиб у қарздорликни ундириш ижрога қаратилмаган бўлса, бундай фермер хўжаликларининг ерга бўлган ҳуқуқини аукционга чиқариш мутлақо ноқонуний бўлади.

Иккинчидан, шундай ишлар бўйича бошқа мулк ва мулкий ҳуқуқлар бўлмаган ҳолларда ер участкасига ижара ҳуқуқи хатланиши ва электрон онлайн-аукцион савдоларига чиқарилиш. Яъни Мажбурий ижро бюроси фермер хўжалигининг бошқа юридик ва жисмоний шахсларда мулкий ҳуқуқлари бор ёки йўқлигини аниқлаши керак.

Бу нима дегани?

Масалан, А Фермер хўжалигининг 300 млн қарзи бўлса, ва уни ундириш ижрога қаратилган бўлса, бироқ унинг Б кластерда 400 млн ҳақдорлиги бўлса, бунда фермер хўжалигининг ижара ҳуқуқини аукционга чиқариш ПҚ-131 нинг 14-бандига зид бўлади.

Қарорнинг яна бир эътиборли жиҳатига разм солиш лозим. Қарорнинг 6-банди б хатбошисида қуйидагича жумла келган. Ижара ҳуқуқини баҳолаш талаб этилмайди, давлат ижрочиси ваколатли ташкилотлардан ер участкасининг норматив қийматини аниқлаб, унга тенг бўлган бошланғич нарх миқдорини мулкий ҳуқуқни хатлаш далолатномасида кўрсатади. Яъни мажбурий ижро буйроси масалан, фермер хўжалигининг 50 гектар ери бўлса, у ернинг 30 гектари қарздорликни қоплаш учун етадиган бўлса, фақатгина 30 гектарини аукцион савдолари орқали сотиши мумкин. Қолган қисми фермер хўжалигининг ўзида қолиши керак.

Ҳозирда барча ер ижарачилари бор мол-мулкини ерга тиккан ва ҳосилни кутаётган пайт. Ер ижарачилари ғалла ва пахтани сотиш орқали қарздорликларини қоплашни режа қилиб турибди. Агар ижара ҳуқуқлари ҳосил йиғимидан олдин, қарзларини тўлашга имкон бермай, аукционга чиқарилса, бу адолатдан бўлмайди.

Бир неча ҳафта олдин шу масалада фермерлар кенгашининг масъули билан гаплашгандим. Кенгашда ҳам шунга яқин фикрлар бор. Бироқ буни бош прокуратурага етказиб, қарор ижросини ҳосил йиғим-терими бўлгунча тўхтатиб туришни сўраш лозим.

🔘🔘🔘

Фермерларимизнинг 1-рақамли канали: FERMER.UZ

14.4k 1 208 9 85

𝗙𝗘𝗥𝗠𝗘𝗥.𝗨𝗭

31 May, 21:16

04:31

Видео недоступно для предпросмотра

Смотреть в Telegram

⚡️ПОДКАСТ: Қишлоқ хўжалиги муаммолари ҳақида яхши суҳбат қилинибди.

🔘🔘🔘

Фермерларимизнинг 1-рақамли канали: FERMER.UZ

13.9k 0 149 63

𝗙𝗘𝗥𝗠𝗘𝗥.𝗨𝗭

31 May, 21:16

⚡️ШОНА ТЎКИЛИШИДАН ҲИМОЯ, ҲАМ ОЗИҚА!

IKAR KALISTO: ИШЛОВ МАВСУМИ БОШЛАНДИ!

🇬🇧Буюк Британияда ишлаб чиқарилган.

L-prolin аминокислотаси билан бойитилган калийли ўғит.

Нархи: 1 гектар учун 170 минг сўм. Сарфи 0,5 л/га

Таърифи:

IKAR KALISTO-суюқ ўғит бўлиб, калий (К) етишмовчилигини бартараф қилувчидир. Ундаги калийнинг осон ҳазм бўладиган шакли ўсимлик томонидан тез сўрилади ва ҳужайралардаги метаболизмни фаоллаштиради, бу элементнинг илдиз тизими томонидан сўрилишини рағбатлантиради. Калий ўсимликларнинг ривожланишига таъсир қилувчи кўплаб жараёнларда иштирок этади. Калий ҳужайра ширасининг осматик босимини ва сув мувозанатини сақлайди, барг стомаларини ёпиш фаолиятини назорат қилади. Ўсимликлар намликдан самаралироқ фойдаланади ва қурғоқчилик ҳамда замбуруғ касалликларига чидамли бўлади. Калий ҳосил сифатини яхшилаш учун жавобгардир, мева ва илдиз экинларида қуруқ моддалар, шакар миқдорини оширади, дон ва дуккакли экинларнинг ҳосил вазнини оширади, доннинг сифатини яхшилайди.

Маълумки, Калий (К) илдизлар орқали озиқланиш интенсивлигини ошириш, янги куртаклар пайдо бўлиши, ўсимликлар ўсиши бузилган тақдирда, ўсимлик ҳужайралари ширасида озуқа моддаларининг алмашинувини фаоллаштириш учун зарур.

Калий (К) осмотик босим ва сув мувозанатини сақлайди, ўсимликлар намликни яхши сақлайди ва қурғоқчиликка, юқори ва паст ҳароратларга чидамлилигини оширади.

Калий (К) кўплаб касалликларнинг тарқалишини бостиради, шунингдек, зараркунандалар келтирган зарарни камайтиради. Ўсиш даврида калийни ишлатиш вақти кўпинча экстремал ўсиш шароитларига тўғри келади - юқори ҳароратлар, қуруқ даврлар. Бундай шароитда барча физиологик жараёнлар жуда секинлашади, натижада вегетация ва ҳосилдорлик йўқолади.

Ўсимлик бошдан кечирадиган стрессни камайтириш учун стресс модулятори - ўсимлик ҳужайраларини тўсатдан қаришдан ҳимоя қилувчи ва ўсимлик ривожланишининг жиддий секинлашувини олдини олувчи L-prolin аминокислоталаридан фойдаланилади.

Таркиби:

Калий (K)-500 г/л
L-prolin-1,5 г/л
Зичлиги-1,5 г/мл
pH:11,0-12,0.

✅ Ikar KALISTO ўғитининг афзалликлари:

-Ўсимликлардаги ферментатив метаболизмни, хлорофилл синтезини фаоллаштиради;
-оқсил синтезига ижобий таьсир кўрсатади;
-асимилатларнинг мевали органларга ҳаракатини яхшилайди;
-ҳосилнинг сифат кўрсаткичларини оширади: шакар миқдори, крахмалнинг тўпланиши, витаминлар;
-шакарни тўплаш тезлигининг ошиши туфайли мева, резаворлар ва узумнинг эрта ҳосилини олиш имконини беради;
-ҳужайра ширасининг осмотик босимини ошириш, совуққа чидамлилигини ошириш;
-замбуруғли ва бактериал касалликларга қарши иммунитетни яхшилайди, ҳам вегетация даврида, ҳам мевани сақлаш пайтида;
-ўсимликларнинг қурғоқчиликка чидамлилигини оширади;
-калий етишмаслигидан келиб чиқадиган касалликларни даволаш ва олдини олиш учун тез таъсир қилувчи ўғит.

💧 IKAR KALISTO ўғитини қўллаш:

Баҳорги ва кузги дон экинларининг бутун вегетация даврида 0,5-1,0 л/га.
Маккажўхорининг 4-6 баргли фазасида 0,5-2,0л/га.
Дуккакли экинлар поясининг баландлиги 20 см дан ошмаган вақтида 0,5-1,5 л/га.
Картошканинг гуллаш босқичида 0,5-2,0 л/га.
Ем-хашак учун озуқабоп экинларда тўпгуллар ҳосил бўлгунга қадар 0,5-2,0 л/га.
Сабзавот экинларининг бутун вегетация даврида 0,5-2,0 л/га.
Сабзавот экинларида 0,3 фоизли эритма билан илдиз орқали ўғитлаш тавсия этилади.

✍️ Фойдаланиш бўйича тавсиялар.

IKAR KALISTO ўғити барг ва илдиз орқали озиқлантириш учун, шунингдек, томчилатиб суғориш тизимларида ишлатилиши мумкин.

⚠️ЭСЛАТМА:

IKAR KALISTO ўғитидан фойдаланиш бошқа минерал ва биологик ўғитлар ҳамда пестицидлар (инсектицидлар, фунгицидлар) билан бирга аралашмаларда рухсат этилади.

Мис, сульфат, минерал мойлар ва гидроксиди (pH>8) ўз ичига олган препаратлар билан биргаликда фойдаланиш мумкин эмас. Ўсимликларга фитотоксик таъсир бор-йўқлигини текшириш учун кичик майдонда синов ўтказиш тавсия этилади.

🅰️🅰️🅰️🅰️

ЕВРОПА ФЕРМЕРИ КАБИ ИЛҒОР БЎЛИНГ!

Мурожаат учун телефонлар:
+998997132363
+998970099691

Қорақалпоғистон Республикаси бўйича вакил:
+998993112771
+998905752771

✅ IKAR Uzbekistan

8.3k 0 22 41

𝗙𝗘𝗥𝗠𝗘𝗥.𝗨𝗭

31 May, 07:44

⚡️АДЛИЯ ВАЗИРЛИГИ ТОМОНИДАН УШБУ ТАКЛИФЛАР БЕРИЛГАНИГА РОППА-РОСА 4 ЙИЛ БЎЛДИ, ҚАЙСИ БИРИ ҲАЁТГА ТАТБИҚ ЭТИЛДИ?

2021 йилнинг июнь ойида Адлия вазирлиги ҳузуридаги
Ҳуқуқий сиёсат тадқиқот институти томонидан Фермер хўжаликларининг фаолиятини такомиллаштиришга, шартнома эркинлиги ва мулк ҳуқуқи кафолатларини таъминлашга, соҳага инвестицияларни жалб этишга қаратилган қуйидаги таклифларни берилганди:

1). Фермер хўжаликлари фаолиятидаги шартномавий муносабатларда шартнома эркинлигини таъминлаш, шу мақсадда контрактация шартномаларига оид қоидаларни Фуқаролик кодексидан чиқариб ташлаш ҳамда фермер хўжаликлари ва кластерлар ўртасида тузиладиган шартномаларга олди-сотди шартномалари қоидалари қўлланишини белгилаш.

2). Туман ҳокимликларининг фермер хўжаликлари фаолиятига аралашувини камайтириш мақсадида амалдаги қонун ҳужжатларини хатловдан ўтказиш.

3). Вазирлар Маҳкамасининг 2019 йил 18 декабрдаги қарори билан тасдиқланган иқтисодий жиҳатдан самарасиз, кам ҳосил берадиган боғ ва токзорларни яроқсиз деб топиш тартиби тўғрисидаги низомни бекор қилиш.

4). Фермерларнинг қишлоқ хўжалигига мўлжалланган ерлардан фойдаланиш ҳуқуқлари ҳимоясини кучайтириш ва ижара шартномалари эркинлигини таъминлаш.

5). Қишлоқ хўжалигига мўлжалланган ерларни танлов асосида беришда фермер ва деҳқон хўжаликлари билан бир қаторда, бошқа шаклдаги юридик шахсларга ҳам танловда қатнашиш имкониятини яратиш.

6). Фермер хўжаликларига ёқилғи, минерал ўғитлар, кимёвий ҳимоя воситаларини етказиб беришда рақобатни шакллантириш;

7). Қишлоқ хўжалигига инвестиция кириб келишини рағбатлантириш мақсадида норматив-ҳуқуқий ҳужжат лойиҳасини ишлаб чиқиш;

8). Фермер хўжаликларининг Ўзбекистон фермер, деҳқон хўжаликлари ва томорқа ер эгалари кенгашига аъзолиги мажбурийлигини бекор қилиш.

9). Давлат томонидан ёш фермерларни қўллаб-қувватлашга, қишлоқ хўжалигини рақамлаштиришга қаратилган лойиҳаларни ишлаб чиқиш ва амалга ошириш.

🔘🔘🔘

Фермерларимизнинг 1-рақамли канали: FERMER.UZ

6.8k 0 35 5 48

𝗙𝗘𝗥𝗠𝗘𝗥.𝗨𝗭

31 May, 04:55

⚡️ҚОРАҚАЛПОҒИСТОН РЕСПУБЛИКАСИ ФЕРМЕРЛАРИГА ОИД ҲУКУМАТ ҚАРОРИ ҚАБУЛ ҚИЛИНДИ: Кунжут ва мош экинлари етиштириш кўпайтирилади.

Вазирлар Маҳкамасининг 27.05.2025 йилдаги «Қорақалпоғистон Республикасида кунжут ва мош экинларини етиштириш тизимини такомиллаштириш тўғрисида»ги 331-сон қарори қабул қилинди.

Ҳужжат билан белгиланишича, 2025 йилдан бошлаб Қорақалпоғистонда:

кунжут ва мош экинларини етиштириш бўйича намунавий лойиҳалар ҳар бир туманда «бир контур — бир маҳсулот» тамойили асосида камида 50 гектар майдонда амалга оширилади;

ушбу лойиҳалар бўйича имтиёзли кредитлар суғурта таъминоти билан гаровсиз ажратилади;

«Агроплатформа» ахборот тизими орқали имтиёзли кредитларни ажратишда кунжут ва мош экинлари экилган майдоннинг гектарига нисбатан ҳосилдорлик нормативи 0,27 центнерни ташкил этади;

имтиёзли кредитларни ажратишда ҳосилдорлик қиймати сифатида Қишлоқ хўжалиги вазирлиги томонидан эълон қилинадиган кунжут ва мошнинг тавсиявий реализация нархлари қабул қилинади.

Ҳужжат Қонун ҳужжатлари маълумотлари миллий базасида эълон қилинган ва 28.05.2025 йилдан кучга кирди, дейилади хабарда.

🔘🔘🔘

Фермерларимизнинг 1-рақамли канали: FERMER.UZ

7.5k 0 43 36

𝗙𝗘𝗥𝗠𝗘𝗥.𝗨𝗭

31 May, 04:54

01:08

Видео недоступно для предпросмотра

Смотреть в Telegram

⚡️"СУВ КИТОБ": АГРОБАНК ФЕРМЕРЛАРИМИЗГА НАВБАТДАГИ ҚЎЛЛАНМАНИ ТАҚДИМ ЭТДИ!

Кеча, 30 май куни Тошкент шаҳрида Қишлоқ хўжалигида сув ресурсларидан самарали фойдаланишга бағишланган “Сув китоб” тўплами тақдимоти бўлиб ўтди.

Президент томонидан қишлоқ хўжалиги йўналишида методик қўлланмалар ишлаб чиқиш, фермерлар, деҳқонлар ва бошқа фойдаланувчиларга кенг тарқатиш бўйича Агробанкка аниқ топшириқлар берилган эди.

Топшириқлар ижроси доирасида Агробанк томонидан “Agrobooks” лойиҳаси ишлаб чиқилди.

Лойиҳа доирасида дастлаб қишлоқ хўжалигида ҳосилдорлик ва самарадорликни кескин ошириш, илғор технологиялар, илм-фан ютуқларини кенг жорий этиш бўйича Туркия тажрибаси асосида Ўзбекистон иқлимига мос “100 китоб тўплами” ишлаб чиқилди.

“100 китоб тўплами” барча ҳудудлардаги фермерлар, тадбиркорлар ва деҳқон хўжаликларига 20 000 та қўлланмалар тўплами — 2 миллион дона китоб шаклида чоп этилди ва бепул тарқатилди.

Кенг фойдаланувчиларни қамраб олиш мақсадида, электрон нусхаси банкнинг интернет сайтларига жойлаштирилди. Бугунги кунга қадар 140 мингдан ортиқ фойдаланувчи томонидан юклаб олинган.

Шунингдек, “Agrobooks” лойиҳаси доирасида “Ўсимликлар ҳимояси” соҳасидаги методик қўлланмалар хорижий тажриба асосида тайёрланиб, ўсимликларни ҳимоя қилиш ва касалликларга қарши курашиш бўйича китоблар тўплами ишлаб чиқилди.

Мазкур китоблар тўплами ҳам барча ҳудудлардаги фермерлар, тадбиркорлар ва деҳқон хўжаликларига бепул тарқатилди ва электрон шаклларидан фойдаланиш имкониятлари яратилган.

Методик қўлланмаларни ишлаб чиқишда Агробанк қошида илмий гуруҳ ташкил этилди ва 120 нафардан ортиқ соҳа мутахассислари, олимлар ва ўқитувчилар жалб қилинди.

Ушбу китобларни тайёрлаш ва чоп этиш билан боғлиқ барча харажатлар Агробанк томонидан молиялаштирилди.

Агробанкнинг қишлоқ хўжалигини қўллаб-қувватлашдаги навбатдаги муҳим ташаббуси — “Сув китоб” тўплами тақдим этилмоқда.

Ушбу методик қўлланмалар тўплами “Agrobooks” лойиҳасининг давоми сифатида ишлаб чиқилди.

Тўплам 30 та методик қўлланмадан иборат бўлиб, фермерлар ва мутахассислар учун сувдан самарали фойдаланиш бўйича амалий қўлланма ҳисобланади.

Лойиҳа Хитой ва Туркия тажрибаси асосида, 50 нафар мутахассис иштирокида ишлаб чиқилди.

“Сув текин эмас!” ғояси асосида тайёрланган китоблар видео, аудио ва электрон шаклда ҳам тақдим этилади.

Тўплам йил якунига қадар барча фермер ва деҳқонларга бепул тарқатилади.

Агробанк қишлоқ хўжалигида билим ва инновацияларга бағишланган лойиҳаларни амалга оширишда давом этади.

🔘🔘🔘

Фермерларимизнинг 1-рақамли канали: FERMER.UZ

5.8k 0 26 29

𝗙𝗘𝗥𝗠𝗘𝗥.𝗨𝗭

31 May, 04:39

9.7k 0 115

Живые подписчики от 2₽

Тапай Луну получи участок

Залью подписчика по 3 рубля

𝗙𝗘𝗥𝗠𝗘𝗥.𝗨𝗭

Гео и язык канала

Категория

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

25 271

Популярное в канале

Язык сайта

Живые подписчики от 2₽

Тапай Луну получи участок

Залью подписчика по 3 рубля

𝗙𝗘𝗥𝗠𝗘𝗥.𝗨𝗭

Гео и язык канала

Категория

25 271

Популярное в канале