Юрист Хизмати | Расмий канал

Педагогларни 1 синфларни рўйхатга олишга жалб қилиш мумкинми?

@Yurist_Xizmati 5147-савол:

Ассалому алайкум. Микрохудуд буйича саволим бор эди. Мактабдаги укитувчилар микрохудудга уйларга бориб фарзандингиз 1 чи синфга бориши керак деб юришга микрохудудга боришга мажбурми? Шу масала буйича кандайдир хукукий жужжатми ёки конун борми. Бу масалага ёрдам берсангиз.

ЮРИСТ ЖАВОБИ:

Бу мажбурий меҳнат эмас.

Педагогнинг мақоми тўғрисидаги қонун 5-моддасига мувофиқ педагогни касбий фаолияти билан боғлиқ бўлмаган ишларга жалб қилиш тақиқланади.

☝️Эътибор берган бўлсангиз, қоидада касбий фаолиятга боғлиқ бўлмаган ишларга дейилган. Бунда ҳудудларни ободонлаштиришга ва қишлоқ хўжалиги ишларига жалб қилиш, аҳолининг солиқлар, коммунал тўловлар, кредитлар ва бошқа қарздорлиги тўғрисидаги маълумотларни, битирувчиларнинг бандлиги таъминланганлиги ҳақидаги ҳисоботларни шакллантиришини ва тақдим этишини талаб қилиш ва бошқалар педагогни касбий фаолияти билан боғлиқ бўлмаган ишлар тоифасига киради.

❗️Энди қаранг! Вазирлар Маҳкамасининг 2017 йил 15 мартдаги 140-сон қарори билан тасдиқланган “Умумтаълим мактаби тўғрисида”ги низомнинг 39-бандига кўра мактаб ёшидаги болаларни умумий ўрта таълимга қамраб олиш туман (шаҳар) ҳокимликларининг қарори билан умумтаълим муассасаларига бириктирилган ҳудудлар (микроҳудуд) доирасида умумтаълим муассасаси томонидан рўйхатга олиш орқали амалга оширилади.

Бунда бириктирилган ҳудудлар (микроҳудуд) доирасида доимий яшаш ва вақтинча турган жойи бўйича рўйхатга олинган ва ҳақиқатда яшовчи оила фарзандлари инобатга олинади.

Эътибор берган бўлсангиз, болалар умумтаълим муассасаси томонидан рўйхатга олиниши белгиланган.

✅ Шунга кўра бу масалада мактаб директор бу вазифани бажариш учун мактаб ходимларни жалб қилишга ҳақли.

Бунда Умумий ўрта таълим муассасалари (айрим фанлар чуқур ўрганиладиган ихтисослаштирилган муассасалар) ходимларининг лавозим мажбуриятларини тасдиқлаш ҳақидаги Мактабгача ва мактаб таълими вазирининг 2023-йил 20 - декабрдаги 565-сонли буйруғига 37-илова асос бўлади.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Ходимга 1 хатоси учун икки марта жазо берилиши мумкинми?

@Yurist_Xizmati 5146-савол:

Менда шунака вазият, мен мактаб ва мактабгача таълим булими да богчалар иктисодчиси булиб ишлайман.бизга вазирлик томонидан декретга маблаг ажратилган эди. Саволни давомини ўқиш...

ЮРИСТ ЖАВОБИ:

💁‍♂ Бу ҳолатда энг аввало шуни таъкидлаш лозимки, сизга нисбатан билдирилаётган оғзаки баёнотлар, яъни “фарзандингиз 2 ёшга тўлмагунча қайта ишлай олмайсиз”, “сиз хато қилганингиз учун лавозимда қоласиз деб бўлмайди”, “яна кимдир бу хатолик учун жавоб беради” деган фикрлар — ҳуқуқий асосдан маҳрум бўлган, қонунчиликка зид баёнотлардир.
➖➖➖➖➖➖➖➖➖➖➖➖➖➖➖

1️⃣ Интизомий жазолар масаласида Сиз томонингиздан амалга оширилган маблағни нотўғри тақсимлаш хатти-ҳаракати учун аллақачон интизомий жазо чораси — ҳайфсан қўлланган. Бу эса сизга нисбатан меҳнат интизомини бузганлик учун қонуний асосда чора кўрилганини билдиради.

🚫 Эндиликда, ушбу хатти-ҳаракат учун сизни яна бир бор жазолаш (масалан, ишдан бўшатиш) қонунчиликка тўғри келмайди.

Бу борада Ўзбекистон Республикаси Меҳнат кодексининг 313-моддаси учинчи қисмида шундай дейилган:

“Ҳар бир интизомий қилмиш учун фақат битта интизомий жазо чорасини қўллаш мумкин. Иш берувчи интизомий жазо чораларини танлашда ходимнинг меҳнат фаолиятидаги олдинги интизоми, хатти-ҳаракатлари, хатоликнинг оғирлиги ва бошқа ҳолатларни инобатга олади.”

⚠️ Демак, сизга бир марталик интизомий жазо чорасининг қўлланилиши — қонуний ва якуний ҳисобланади. Бош иқтисодчининг “сиз туфайли менга ҳам ҳайфсан берилди” деган фикрининг эса сизга ҳеч қандай ҳуқуқий алоқаси йўқ, чунки Меҳнат кодексида бошқа ходимга берилган жазо сабабли яна кимнидир жавобгар қилиш деган тушунча йўқ.

❌ Шунингдек, 1 ойдан ортиқ вақт ўтиб яна ўша хатолик учун янги жазо чораси қўллаш (масалан, ишдан бўшатиш) — бу “икки карра жазолаш” (ne bis in idem) принсипига зид бўлиб, мутлақо ноқонуний ҳисобланади.
➖➖➖➖➖➖➖➖➖➖➖➖➖➖➖

2️⃣ Ишга қайтиш ҳуқуқи ва 2 ёшгача таътил масаласига келсак, Сиз 2025-йил 1-майдан бошлаб 2 ёшгача болани парваришлаш таътилига чиққансиз, бу таътил ходимнинг ихтиёри билан белгиланади, яъни ходим бу таътилда қанча вақт қолишни ўзи ҳал қилади. Муҳими — бу таътилдан исталган вақтда қайтиш ходимнинг ҳуқуқи.

Бу бўйича Меҳнат кодексининг 405-моддасида аниқ белгиланган:

“Аёлнинг (ёки ота, асраб олувчи, бошқа парвариш қилувчи шахснинг) хоҳишига кўра унга бола икки ёшга тўлгунига қадар парваришлаш таътили берилади. Бу даврда улар ихтиёрий равишда ишга қайтишлари мумкин.”

Бу ерда “икки ёшга тўлгунига қадар” дейилмоқда, яъни бола ҳали 2 ёшга тўлмасдан ҳам ходим истаса — ишга қайтиш ҳуқуқига эгадир. “Фарзандингиз икки ёш бўлсин, кейин келинг” деган ҳар қандай рад этиш — Меҳнат кодекси 405-моддасининг бевосита бузилиши ҳисобланади.
➖➖➖➖➖➖➖➖➖➖➖➖➖➖➖

3️⃣ Лавозим ва иш жойининг сақланиши маласида Меҳнат кодексининг 405-моддаси бешинчи қисмида болани парваришлаш таътиллари даврида ходимнинг иш жойи (лавозими) сақланиши аниқ, тиниқ қоидани белгилайди.

Шундай экан Сиз бола парваришлаш таътилига чиққан даврда, сизнинг лавозимингиз сақланиши шарт. Бу дегани сиз таътилдан ўз лавозимингизга қайтиб ишни давом эттиришингиз мумкин.

❗️Агар сизга расман ишга қайтишга йўл қўйилмаса ёки лавозимингизга тикланмасангиз:
1.  Туман меҳнат инспексиясига ёзма шикоят юборинг.
2.  Туман адлия бўлими орқали ҳуқуқий ҳимоя бўйича мурожаат қилинг.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Устама рад этилса, нима қилиш керак? — Ишчи гуруҳ фаолияти ҳақида билишингиз шарт бўлган 5 факт

@Yurist_Xizmati 5145-савол:

Вазирлар Махкамасининг 2019-йил 30-сентябрдаги 823-сонли карори билан тасдикланган "Умумий урта таълим муассасаларининг урнак курсатган ходимларини рагьатлантиришнинг директор жамгармасини ташкил этиш ва уларнинг маблагларидан фойдаланиш тартиби тугрисида"низомга кура педагог ходимларнинг базавий тариф ставкаларигага хар ойлик устамаларини ишчи гурух рахбари ва аъзолари зиддият, адоват туфайли фоизини камайтирса ёки бутунлай рад килса,бундай вазиятда укитувчи кайерга мурожаат килиши мумкин? Ёкида ишчи гурухнинг неча фоизи маъкуллаб имзо куйса, устама белгиланади?


ЮРИСТ ЖАВОБИ:

💸 Педагог ходимларга ҳар ойлик устама белгилаш Вазирлар Маҳкамасининг 2019-йил 30 сентябрдаги 823-сон қарорига 1-илова билан тасдиқланган Низомнинг қуйидаги тартибларига қатъий риоя қилинган ҳолда амалга оширилиши шарт:

1️⃣ Устама белгилаш фақат очиқ муҳокама ва баҳолаш мезонлари асосида амалга оширилади.

Низомнинг 11- ва 12-бандларига мувофиқ:

👉 Устама фақат ўқув-тарбия жараёнига шахсий ҳисса қўшган, касбга содиқ, ташаббускор ва юқори касбий даражасини намоён этган ходимларга белгиланади.
👉 Бу баҳолаш аниқ мезонлар асосида бўлиши ва адолат ва холислик принсиплари асосида юритилиши лозим.

Демак, ишчи гуруҳнинг шахсий зиддият, адоват ёки субектив муносабат асосида устамани рад этиши Низомга зид ҳаракат ҳисобланади ва устама тайинланишида фақат фаолият мезонлари асосида баҳолаш лозим.
➖➖➖➖➖➖➖➖➖➖➖➖➖➖➖

2️⃣ Ишчи гуруҳ қарорларини қандай қабул қилади?
Низомнинг 15-бандига кўра:

👉 Ишчи гуруҳ қарори, мажлисда иштирок этган аъзоларнинг оддий кўпчилик овози билан қабул қилинади.
👉 Мажлис ваколатли бўлиши учун аъзоларнинг учдан икки қисми иштирок этиши, шунингдек, касаба уюшмаси, кузатув кенгаши ва ота-оналар вакиллари мажлисда қатнашиши шарт.
👉 Овозлар тенг бўлиб қолса, ишчи гуруҳ раҳбарининг овози ҳал қилувчи ҳисобланади.

💁‍♂ Масалан, агар ишчи гуруҳда 9 нафар аъзо бўлса, камида 6 нафари иштирок этган ҳолда, 4 нафарнинг овози етарли бўлади. “Оддий кўпчилик овоз” деганда, қарор қабул қилинаётган мажлисда ишти¬рок этаётган аъзолар сонининг ярмидан кўпи томонидан билдирилган ижобий фикр тушунилади.

❗️Бу — ишчи гуруҳнинг умумий таркиби бўйича эмас, мажлисда қатнашган аъзолар сони бўйича ҳисобланади. Агар ҳамма — 9 нафар аъзо қатнашаётган бўлса, камида 5 киши маъқуллаши керак.

Ҳар бир қарор баённома билан расмийлаштирилади ва барча иштирокчилар томонидан имзоланади (Низом 16-банд).
➖➖➖➖➖➖➖➖➖➖➖➖➖➖➖

3️⃣Педагоглар қаерга мурожаат қилиши мумкин?
1.  Умумтаълим муассасаси директорига ёзма мурожаат — ишчи гуруҳ қарорини қайта кўриб чиқишни сўраб.
2.  Туман меҳнат инспексияси ва адлия бўлимига — педагогнинг моддий манфаатларига тажовуз бўлса, у меҳнат ҳуқуқлари бузилганлиги асосида юқори инстансияларга мурожаат қилиши мумкин.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

🇷🇺🇺🇿Россия Ўзбекистон томонидан юборилган нотани диққат билан кўриб чиқмоқда

Россия ТИВ расмий вакили Мария Захарова маълум қилишича, Москва Ўзбекистон томонидан юборилган расмий нотани диққат билан кўриб чиқмоқда.

Унга кўра, мурожаат мутасадди идораларга етказилган ва объектив маълумотлар тўпланиб, белгиланган тартибда Тошкентга жўнатилади.

"Россия ва Ўзбекистон иттифоқчилик ва стратегик шерикликка асосланган муносабатларига таянган ҳолда, ҳар қандай масалага шу нуқтаи назардан ёндашилади", — деди Захарова.

🔹 Мазкур баёнот Ўзбекистон элчихонасининг Москвадаги фуқароларга нисбатан тинтув ва қўпол муносабатлар бўйича ташвиш билдирганидан сўнг берилди.

"Иттифоқчилар ўртасида мулоқот очиқ ва ҳар қандай сигнал жиддий кўриб чиқилади", — таъкидлади Захарова.

✉️ Юристга савол юбориш

Расмий каналимиз:
👉 @Yurist_Xizmati 👈

Таътил пули қачон берилади?

@Yurist_Xizmati 5144-савол:

АССАЛОМУ  АЛАЙКУМ  МЕН  01.06 2025  ДАН ТАТИЛГА  ЧИКАНМАН.ТАТМЛ ПУЛИМНИ  КЕЧИКТИРИБ БЕРИЛДИ  ВА КАМ ХИСОБЛАШГАН.АРИЗА БИЛАН МАКТАБ РАХБАРИГА  МУРОЖАТ КИЛСАМ    АРИЗАМГА КУЛ КУЙМАЙАПТИЛАР НИМА КИЛИШИМНИ МАСЛАХАТ БЕРСАНГИЗ

ЮРИСТ ЖАВОБИ:

Меҳнат кодексининг 233-моддаси учинчи қисмида ҳар йилги меҳнат таътили вақти учун ҳақ тўлаш жамоа шартномасида, ички ҳужжатларда ёхуд меҳнат шартномасида белгиланган муддатларда, бироқ таътил бошлангунига қадар охирги иш кунидан кечиктирмай амалга оширилади.

❗️Шунга кўра таътил пули таътилган чиқишингиздан олдинги кунда ташлаб берлиши керак.

✅ Бу ҳолатда сиз кечиктирилган ҳар бир кун учун компенсация олишингиз мумкин. Ушбу кодекс 333-моддасига кўра Иш берувчи иш ҳақини, таътил тўловларини, меҳнат шартномаси бекор қилингандаги тўловларни ва (ёки) ходимга тўланиши лозим бўлган бошқа тўловларни тўлаш муддатини бузган тақдирда, уларни тўлов муддатидан кейинги кундан эътиборан то ҳақиқатда ҳисоб-китоб қилинган кунни ўз ичига олган муддатгача ҳар бир кечиктирилган кун учун Ўзбекистон Республикаси Марказий банкининг ўша вақтда амалда бўлган қайта молиялаштириш ставкасидан келиб чиққан ҳолда пулли компенсация билан бирга тўлаши шарт.

💁‍♂ Бунда ходимга тўланиши лозим бўлган пулли компенсациянинг миқдори Ўзбекистон Республикаси Марказий банки қайта молиялаш ставкасининг ўн фоизи миқдорида белгиланади.

➡️ Таътил пулини кам ҳисоблаш масаласига келсак, биз бухгалтер эмасмиз, шу сабабли бу пулларни ҳисоблаб бера олмаймиз. Бироқ қуйидагича тушунтириш беришимиз мумкин:

Қаранг! Меҳнат кодексининг 233-моддасида ҳар йилги меҳнат таътилида бўлган вақти учун ходимга ушбу Кодекснинг 257-моддасига мувофиқ ҳисоблаб чиқариладиган ўртача иш ҳақининг сақланиши кафолатланиши белгиланган.

Бунда ўртача иш ҳақи у ҳисобланадиган ойдан олдинги ўн икки ойни ташкил этувчи ҳисоб-китоб даври ёхуд агар ходим ўн икки ойдан кам ишлаган бўлса, амалда ишланган давр учун ходимга ҳисобланган иш ҳақидан келиб чиққан ҳолда белгиланади (МК 257-м 1-қисм).

☝️Шу қоидага кўра ходимнинг ўртача ойлик иш ҳақини ҳисоблашда у 12 ойдан ортиқ ишлаган бўлса, унинг таътилга чиқишдан олдинги 12 ойлик даврда корхонадан олган барча тўловлари (иш ҳақи, моддий ёрдам, мукофот пули ва бошқалар) қўшилган ҳолда 12га бўлинади.

Демак, сиздаги вазиятда ҳам жами ишлаган ойларингиздаги иш ҳақи ва бошқа тўловлар қўшилиб 12га бўлинади.

❗️Ушбу масалада сиз туман адлия бўлимига мурожаат қилишингиз лозим.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Ўқитувчи бир вақтнинг ўзида миллий ва халқаро сертификат учун устама олиши мумкинми?

@Yurist_Xizmati 5143-савол:

Matematika fanidan bir vaqtning o‘zida Milliy va Xalqaro sertifikatlarga maktabda ustama to‘lanadimi?

ЮРИСТ ЖАВОБИ:

Ўзбекистон Республикаси Президентининг 11.05.2022 йилдаги ПФ-134-сон Фармони 9-банди учинчи хатбошисига кўра:
👉 халқаро тан олинган сертификатга эга бўлган педагог кадрларга — уларнинг тариф ставкасига нисбатан 50 фоиз миқдорида устама тўланиши белгиланган.

Бунда Ўзбекистон Республикаси Олий таълим, фан ва инновациялар вазирлигининг 2024-йил 4-апрелдаги 4-қ/қ-сон ва Мактабгача ва мактаб таʼлими вазирлигининг 2024-йил 2-апрелдаги 3-мҳ-сон қарори (рўйхат рақами 3515) қоидаларига мувофиқ педагог ходим ўзи дарс берадиган фани бўйича халқаро ёки миллий сертификатга эга бўлганда устама тўланиши белгиланган.

❗️Яъни устама олиш учун ё халқаро ёки миллий сертификат бўлиши назарда тутилади. Агар педагог ходим бир вақтнинг ўзида ҳам миллий, ҳам халқаро сертификатга эга бўлса ҳам унга битта сертификат учун устама тўланади.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

Учинчи ГОООООЛЛЛ ҳам урилди

Ўзбекистон 3 : 0 Қатар

👉 @Yurist_Xizmati

Иккинчи ГОООООЛЛЛ

Ўзбекистон 2 : 0 Қатар

👉 @Yurist_Xizmati

Гоооол

Ўзбекистон 1 : 0 Қатар

👉 @Yurist_Xizmati

❗️Касбий сертификати йўқлар ишга қабул қилинмайдими?

@Yurist_Xizmati 5142-савол:

Ассалому алайкум. Маълумки 2023-2024 укув йилидан бошлаб янги ишга кирган педагогларни мажбурий касбий сертификатдан утказилиши хакида конун имзоланган. Камида 55 балл тўплаши керак. Саволим шундан иборатки, мен ўтган йили май ойидаги бепул сертификатлашдан хам ва августда бўлиб ўтган пуллик касбий сертификатдан хам ўта олмадим ва ишдан чикиб кетдим. Энди кейинги ўкув йилида ишга кирмокчи бўлсам ишга кира оламанми ёки касбий сертификатим йуклиги учун энди педагог сифатида ишлай олмайманми. Яна навбаттан ташкари касбий сертификат имтихони боладими?

ЮРИСТ ЖАВОБИ:

⚠️ Касбий сертификатнинг йўқлиги сизни ишга қабул қилмаслик учун асос бўлмайди. Чунки ишга қабул қилишда сўраладиган ҳужжатлар қаторида касбий сертификат мавжуд эмас.

Меҳнат кодексининг 124-моддасида иш берувчи ишга қабул қилаётганда ходимдан олий ёки ўрта махсус, касб-ҳунар таълим ташкилотини тамомлаганлиги тўғрисидаги дипломни, қайси ишни бажариш учун фақат махсус маълумотга ёки махсус тайёргарликка эга бўлган шахслар қўйилиши мумкин бўлса, ўша ишга кириш чоғида ушбу ишни бажариш ҳуқуқига доир гувоҳномани (сертификатни) ёхуд бошқа тегишли ҳужжатни талаб қилиши мумкинлиги белгиланган.

❗️Шунга кўра сиздаги касбий сертификатнинг йўқлиги ишга қабул қилмаслик учун асос бўлмайди. Бироқ сиз яна қайта касбий сертификат олишингиз керак бўлади.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈