Юрист Хизмати | Расмий канал

@Yurist_Xizmati

Kanal geosi va tili: O‘zbekiston, O‘zbekcha

Toifa: Huquq

Каналимиз № 0005006503 - сонли давлат рўйхатидан ўтган гувоҳнома асосида фаолият юритади.
Саволларингизни каналимиз постларида кўрсатилган мурожаат ботларимиз орқали юборишингиз мумкин.
Реклама бўйича: t.me/Yurist_Xizmati_reklama

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Huquq

Statistika

Saralanganlar

Postlar filtri

O‘chirilganlarni yashirish

Repostlarni yashirish

Юрист Хизмати | Расмий канал

6 Jun, 03:47

🌙 Қурбон Ҳайитингиз муборак бўлсин!

Ушбу улуғ кунда Аллоҳ барчаларимизни гуноҳларимизни мағфират этсин!

Сиз ҳам яқинларингизни табрикланг

👉 @Yurist_Xizmati

23.5k 0 1.1k 28

Юрист Хизмати | Расмий канал

6 Jun, 02:17

05:44

Video oldindan ko‘rish uchun mavjud emas

Telegram'da ko‘rish

Қурбон ҳайити намозини ўқиш тартиби

Бугун барча жойларда Қурбон ҳайити намози ўқилади. Ушбу видеоқўлланмадан кўриб ўрганиб олсак фойдадан ҳоли бўлмасди.

Барча яқинларга улашинг. Сизларга илиндик, сиз ҳам илининг

Қурбон ҳайитингиз муборак бўлсин!

👉 @Yurist_Xizmati

12.5k 0 94 11

Юрист Хизмати | Расмий канал

5 Jun, 21:04

Ураааа! Ўзбекистон 34 йил деганда илк бор жаҳон чемпионатига чиқди 🇺🇿

👉 @Yurist_Xizmati

19.9k 0 164 373

Юрист Хизмати | Расмий канал

5 Jun, 16:53

Ўзбекистонда неча ёшдан пенсияга чиқилади?

@Yurist_Xizmati 5139-савол:

Assalomu alaykum! Men 1971-yil 9-aprelda tug‘ilganman. 34 yillik ish stajiga egaman. Bu yil pensiyaga chiqsam bo‘ladimi? O‘qituvchiman

ЮРИСТ ЖАВОБИ:

Пенсияга чиқишда иш стажидан ташқари ёшга оид меёр ҳам белгиланади. Умумий қоида бўйича ёшга доир пенсия олиш ҳуқуқига:
⭐️эркаклар — 60 ёшга тўлганда ва иш стажлари камида 25 йил бўлган тақдирда;
⭐️аёллар — 55 ёшга тўлганда ва иш стажлари камида 20 йил бўлган тақдирда эга бўладилар.

Бу Фуқароларнинг давлат пенсия таъминоти тўғрисидаги қонуни 7-моддасида мустаҳкамланган.

Ушбу қонун 12-1-моддасида белгиланган, унга кўра камида йигирма йиллик иш стажи бўлган аёллар эллик тўрт ёшга тўлганда пенсия олиш ҳуқуқига эга бўладилар.

☝️Бу қоида фақат аёл ходимларга берилган имтиёз ҳисобланади.

✅ Демак, сиз ҳам 54 ёшда пенсияга чиқишга ҳақлисиз.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

24.6k 1 181 33

Юрист Хизмати | Расмий канал

5 Jun, 08:42

❗️Бугун барча ходимлар 1 соат вақтли кетиши мумкин!

Меҳнат кодекси 187-моддасига биноан, байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади.

Эртага Қурбон ҳайитининг илк куни, яъни ишланмайдиган байрам куни, бугун эса арафа. Демак, бугун ишга чиққан барча ходимлар 1 соат вақтлироқ уйига кетишига қонуний ҳаққи бор.

Президент қарори билан Қурбон Ҳайитида қуйидагича дам олинади

🤩 6 июнь - Қурбон Ҳайити байрами, барча учун дам олиш куни;
🤩7 июнь (шанба) - 5 кунликлар учун одатий, 6 кунликлар учун қўшимча дам олиш куни;
🤩8 июнь (якшанба) - барча учун одатий дам олиш куни;
🙅‍♂️9 июнь (душанба) - барча учун иш куни.

✉️ Юристга савол юбориш

Расмий каналимиз:
👉 @Yurist_Xizmati 👈

25k 0 278 17

Юрист Хизмати | Расмий канал

5 Jun, 07:48

📝Устама учун ҳужжатлар қайси ойгача топширилиши керак?

@Yurist_Xizmati 5138-савол:

Assalomu alaykum Yurist xizmati. Meni savolim quyidagicha. 823 boʻyicha ustamaga arizani qaysi oyda berish kerak? Maktab direktori va zavuch arizani yanvar oyida bermagansizlar maktab boʻyicha hech kim oʻtmaydi deyapti.

ЮРИСТ ЖАВОБИ:

Устама ўқитувчининг бир ўқув йилидаги натижаларига қараб белгиланади. Бунда ўқитувчининг маълум муддат меҳнатга қабилятсиз бўлиши, декрет таътили олиши, малака оширишга бориши устамага даъвогарлик қилишга таъсир кўрсатмайди.

📝Вазирлар Маҳкамасининг 2019 йил 30 сентябрдаги 823-сон қарори билан тасдиқланган “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”низомнинг 20-бандига кўра педагог ходимларининг базавий тариф ставкаларига ҳар ойлик устамалар:

📌 тарбиявий жараённинг амалга оширилиш сифати ва самарадорлигига;
📌 синфдан ташқари ишларга ҳамда ўқувчиларни инсонпарварлик ва меҳр-оқибат руҳида тарбиялашга;
📌 тегишли синфлар ва ўқув фанлари учун тасдиқланган умумий ўрта таълимнинг давлат таълим стандартларида назарда тутилган билимлар ва кўникмалар тўлиқ ҳажмининг ўқувчилар томонидан ўзлаштириб олиниши даражасига;
📌 ўқув жараёнига қўшилган аниқ ҳисса, ўқитишнинг юқори самарадорлиги ва сифати учун 40 фоизгача миқдорда белгиланади.

Низомнинг 21 – бандига кўра умумтаълим муассасалари педагог ходимларининг базавий тариф ставкаларига Жамғарма ҳисобидан ҳар ойлик устамалар янги ўқув йили учун ўтган ўқув йили якунлари бўйича белгиланади.

Шунингдек, низом 28-бандига кўра умумтаълим муассасалари педагог, психолог ва кутубхона ходимларининг базавий тариф ставкаларига Жамғарма ҳисобидан ҳар ойлик устамалар ҳар йили 1 июлга қадар белгиланади ва ўқув йилининг ярим йиллик якунлари бўйича қайта кўриб чиқилиши мумкин.

Шунга кўра, устама учун ҳужжатлар 1 июлга қадар топширилиши керак.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

20.4k 1 259 9

Юрист Хизмати | Расмий канал

4 Jun, 20:23

🌙 Эртага арафа куни! Ғафлатда қолманг! Рўза тутишни унутманг!

“Арафа кунининг рўзаси икки йилга каффоратдир: ундан олдинги ва ундан кейинги йилга”

Эртага, 5 июнь пайшанба куни зулҳижжа ойининг 9-куни – арафа кунидир.

Абу Қатода розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Арафа кунининг рўзаси ўзидан аввалги бир йил ва ўзидан кейинги бир йилнинг гуноҳларига каффорат бўлишини Аллоҳдан умид қиламан”, дедилар (Имом Муслим ривояти).

Бошқа ҳадисда Набий соллаллоҳу алайҳи васаллам: “Арафа кунининг рўзаси икки йилга каффоратдир: ундан олдинги ва ундан кейинги йилга”, деганлар (Имом Байҳақий ривояти).

Оғиз ёпиш ва очиш вақти (Тошкент вақти билан):
⏱️ Саҳарлик (оғиз ёпиш) вақти: 03:08
⏱️ Ифторлик (оғиз очиш) вақти: 19:56

Нияти: Холис Аллоҳ учун нафл рўза тутишни ният қилдим.✔️

Ғафлатда қолманг! Арафа куни рўзасини тутишни ўтказиб юборманг! Буни бошқаларга ҳам эслатинг. Эҳтимол Сиз сабабли бошқалар ҳам рўза тутар.

Ўзбекистон мусулмонлари идораси Фатво маркази.

👉 @Yurist_Xizmati

27.3k 0 561 64

Юрист Хизмати | Расмий канал

4 Jun, 19:59

2025-yil ish vaqti taqvimi.pdf

282.4Kb

⚡️2025 йилга мўлжалланган иш вақти тақвимига ўзгартиришлар киритилди

📆 Мазкур ўзгартириш Ўзбекистон Республикаси Президентининг 2025 йил 30 майдаги "Муборак Қурбон ҳайитини нишонлаш тўғрисида”ги ПҚ-195-сон қарорига мувофиқ амалга оширилди.

✉️ Юристга савол юбориш

Расмий каналимиз:
👉 @Yurist_Xizmati 👈

17.9k 0 113 1

Юрист Хизмати | Расмий канал

4 Jun, 19:05

Боғчаларда 0.75 ставка учун иш вақти қанча?

@Yurist_Xizmati 5137-савол:

Ассалому алайкум турмуш ўртоғим МТТ да 0.75 ставка инглиз тили ўқитувчиси бўлиб ишлайди савол 0.75 ставка учун иш вакти канча. Колаверса ишга келиб уз ишидан ташкари ерталаб болаларни кутиб олиш, кечки пайт кузатиб куйиш, кайсидир гурухда тарбиячи ёки энага йуклигида уларни вазифасини бажариш ёки кун ора МТТ худудини тозалаш экин майдонига нимадир экиш ёки тозалаш каби ишлар юклаш кайсидир меёрий хужжатларда келтирилмаганми.1 млн 300 минга (ойлик ишхонада йигиладиган харажатлар хам бор) шунча вазифани бажариб согликни йукотишга арзийдими ёки йук шуни аниклаштириб олишимиз керак жавоб учун олдиндан рахмат

ЮРИСТ ЖАВОБИ:

Вазирлар Маҳкамасининг 2018-йил 5-январдаги 10-сон қарорига 1-иловада тасдиқланган Низом 12-бандига кўра давлат мактабгача таълим ташкилотида педагог ходимлар учун ҳафталик иш юкламасининг қуйидаги миқдорлари белгиланади:

⭐ тил бўйича ўқитувчи — 18 соат;
⭐ ўқитувчи-логопед, ўқитувчи-дефектолог — 24 соат;
⭐ кўп тармоқли ихтисослаштирилган мактабгача таълим ташкилотларининг тарбиячиси, тарбиячи-методисти — 25 соат;
⭐ тарбиячи, тарбиячи-методист — 36 соат;
⭐ кўп тармоқли ихтисослаштирилган мактабгача таълим ташкилотларининг ёрдамчи тарбиячиси — 36 соат;
⭐ жисмоний тарбия йўриқчиси — 30 соат;
⭐ мусиқа ходими, хореограф — 24 соат.

Юқоридаги қоидага кўра тил ўқитувчиларининг ДМТТдаги ҳафталик иш юкламаси 18 соатни ташкил этади. Бунда ушбу меёр тўлиқ ставкда ишловчи ўқитувчилар учун белгиланади. Саволда 0.75 ставка ишлашингизни ёзгансиз.

✅ Шундай экан сиз ҳафтасига 13.5 соат атрофида ишлашингиз керак.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

20.8k 0 188 5

Юрист Хизмати | Расмий канал

4 Jun, 18:36

⚡️2025 йил 1 сентябрдан Мактабгача ва мактаб таълими директорлари маошлари яна 15-20 фоизга оширилади

“Мактабгача ва мактаб таълими соҳасида бошқарув тизими самарадорлигини оширишнинг қўшимча чора-тадбирлари тўғрисида”га Президент Фармони (ПФ-51-сон, 19.03.2025 й.) қабул қилинган

Фармонга кўра, Мактабгача ва мактаб таълими вазирлиги, унинг тизимидаги агентлик ҳамда марказлар, ҳудудий ва туман (шаҳар) бўлинмалари ходимларининг кўп йиллик хизмати учун рағбатлантириш тизими жорий этилади.

🤩2025 йил 1 сентябрдан:

🔹умумий ўрта таълим ташкилотлари директори лавозимининг базавий тариф ставкаси 20 фоизга;

🔹умумий ўрта таълим ташкилотлари директори ўринбосари лавозимининг базавий тариф ставкаси 15 фоизга;

🔹I ва II гуруҳга кирувчи мактабгача таълим ташкилоти директорлари лавозимларининг базавий тариф ставкалари тегишлича III ва IV гуруҳдаги умумий ўрта таълим ташкилоти директори ўринбосари лавозимининг базавий тариф ставкаларига тенглаштириш орқали оширилади.

🤩 2026 йил 1 январдан умумий ўрта таълим ташкилотларининг директор жамғармаси маблағлари ҳисобидан директор ва унинг ўринбосарларига фаолият самарадорлиги кўрсаткичлари (KPI) натижасига кўра базавий тариф ставкаларига нисбатан тегишлича 20 ва 10 фоиз миқдорида ҳар ойлик устамалар белгиланади.

✉️ Юристга савол юбориш

📞 Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

23k 0 277 70

Юрист Хизмати | Расмий канал

4 Jun, 11:32

⚡️2025 йил 1 августдан педагоглар қуйидагича оширилган миқдорда ойлик маош оладилар

Ўзбекистон Республикаси Президентининг «Иш ҳақи, пенсиялар, стипендиялар ва нафақалар миқдорини ошириш тўғрисида»ги 02.06.2025 йилдаги ПФ-91-сон фармонига мувофиқ, 2025 йил 1 августдан бюджет ташкилотлари ходимларининг иш ҳақи миқдори 10 фоизга оширилди.

🔹Фармонга мувофиқ педагоглар 1 августдан қуйидагича оширилган миқдорда ойлик маош оладилар:

Мактаб директори:

• 5 млн 166 минг 485 сўм (400 ўқувчигача);
• 5 млн 516 минг 559 сўм (401-880 ўқувчигача);
• 5 млн 849 минг 691 сўм (881-1600 ўқувчигача);
• 6 млн 187 минг 933 сўм (1600дан ортиқ);

Директор ўринбосарлари: (ММИБДЎ, ЎТИБДЎ)

• 4 млн 825 минг 345 сўм (400 ўқувчигача);
• 5 млн 166 минг 485 сўм (401-880 ўқувчигача);
• 5 млн 516 минг 559 сўм (881 -1600 ўқувчигача);
• 5 млн 849 минг 691 сўм (1600дан ортиқ);

Директорнинг хўжалик ишлари бўйича ўринбосари:

• 1 млн 957 минг 858 сўм (400 ўқувчигача);
• 2 млн 233 минг 302 сўм (401-880 ўқувчигача);
• 2 млн 322 минг 127 сўм (881 -1600 ўқувчигача);
• 2 млн 515 минг 091 сўм (1600дан ортиқ);

Психологлар:

• Олий маълумотли психолог – 3 млн 356 минг 916 сўм;
• Иккинчи тоифали психолог – 3 млн 594 минг 851 сўм;
• Биринчи тоифали психолог – 3 млн 838 минг 851 сўм;
• Олий тоифали психолог – 4 млн 72 минг 508 сўм;

Ўқитувчилар:

• Ўрта махсус маълумотли ўқитувчи – 3 млн 468 минг 585 сўм;
• Олий маълумотли ўқитувчи – 3 млн 729 минг 906 сўм;
• Иккинчи тоифали ўқитувчи – 4 млн 175 минг 834 сўм;
• Биринчи тоифали ўқитувчи – 4 млн 653 минг 151 сўм;
• Олий тоифали ўқитувчи – 5 млн 142 минг 053 сўм;

Кадрлар бўйича менежер:

1 млн 758 минг 372 сўм;

Кутубхона мудири:

• Ўрта махсус маълумотли – 2 млн 349 минг 447 сўм;
• Олий маълумотли – 2 млн 563 минг 442 сўм;

✉️ Юристга савол юбориш

📞 Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

53.5k 11 1.9k 77

Юрист Хизмати | Расмий канал

4 Jun, 09:00

Navbatdagi g'alaba

Kuni kecha ustozim Qambariddin Mehmonov bilan Oliy sudda qatnashganimiz umumiy mulkni bo‘lishga doir juda qiziqarli va murakkab sud ishi bilan bog‘liq bo‘ldi.

Sudning birinchi instansiyasi, apellyatsiya va hatto taftish bosqichida ham umumiy mol-mulkni bo‘lishda moddiy huquq normalari noto‘g‘ri qo‘llanganini asoslab ko‘rsatishga to‘g‘ri keldi.

Ayniqsa, Oila kodeksining 27 va 28-moddalari doirasida “tenglik prinsipi”ga qaramay, “e’tiborga loyiq manfaatlar” inobatga olinmagani muhim e’tiroz bo‘ldi.

Natijada, Oliy sud quyi sudlarning qarorlarini o‘zgartirib, aynan shu manfaatlarni hisobga olgan holda, tenglikdan chekinishga asoslangan adolatli ajrim chiqardi. Bu holat biz uchun nafaqat huquqiy g‘alaba, balki amaliy tajriba maktabi ham bo‘ldi.

Bu ish orqali yana bir bor isbot bo‘ldiki — sudlar har doim ham raqamlar bilan teng bo‘lish emas, balki hayotiy holatlarga asoslangan adolatli yechim topishi kerak.

Ushbu amaliy sud ishi tafsilotlari bilan batafsil tanishmoqchi bo‘lsangiz, quyidagi havolani tavsiya qilaman:

https://yuristpro.uz/ajrim-paytida-er-xotinning-umumiy-mulkni-teng-bo%ca%bblish-shartmi/

✉️ Yuristga savol yuborish

Rasmiy kanalimiz
👉 @Yurist_Xizmati 👈

19.5k 1 14 24

Юрист Хизмати | Расмий канал

4 Jun, 05:57

Иккита фандан дарс берадиган ўқитувчиларга устама битта фан учун бериладими?

@Yurist_Xizmati 5136-савол:

Assalomu alaykum men tarbiya va huquq fanlaridan dars beraman. 8soat huquq 11soat tarbiyadan. O'tgan yili ustama faqat huquq fanidan hisoblanadi deb tarbiya faniga to'lanmayabdi. O'qituvchi endi tarbiya uchun alohida papka alohida ishlashi kerak deyishayabdi. Fanlar uchun alohida ustama beriladimi. Bu yil ham faqat huquq fanidan olasan deyishyabdi

ЮРИСТ ЖАВОБИ:

Директор жамғармасидан бериладиган устама ўқитувчининг умумий дарс соатлари учун берилади.

💁‍♂ Буни қуйидагича тушунтирамиз. Вазирлар Маҳкамасининг 2019 йил 30 сентябрдаги 823-сон қарори билан тасдиқланган низомнинг 20-банди мазмунига кўра педагогларининг базавий тариф ставкаларига ҳар ойлик устамалар ушбу низомда қайд этилган баҳолаш мезонларига асосан 40 фоизгача миқдорда белгиланади.

Мазкур низомнинг 33-1-бандида педагог ходимларга белгиланган устамалар уларнинг тарификация рўйхатида ажратилган дарс соатларига (ўқитувчининг тариф ставкасига) мутаносиб равишда тўланиши келтирилган.

Шунингдек, Вазирлар Маҳкамасининг 275-сонли қарори билан тасдиқланган “Халқ таълими ходимлари меҳнатига ҳақ тўлаш тўғрисида”ги низомнинг 21-бандига мувофиқ педагог ходимларга қонунчилик ҳужжатларида белгиланган устамалар, шу жумладан мавжуд сертификатлари учун тўланадиган устамалар, тарификация рўйхатида ажратилган дарс соатларига (ўқитувчининг тариф ставкасига) мутаносиб равишда тўлаб берилади.

✅ Юқоридаги қоидаларга кўра сизга жами дарс соатларингиз (сизга тариф асосида берилган) миқдоридан келиб чиқиб устама тўланиши шарт. Бу масалада туман адлия бўлимига мурожаат қилишингиз лозим.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

20.8k 0 172 5

Юрист Хизмати | Расмий канал

4 Jun, 05:20

01:57

Video oldindan ko‘rish uchun mavjud emas

Telegram'da ko‘rish

Тошкентда аянчли автоҳалокат❗️

Ҳайдовчи катта тезликда рўл бошқарувини йўқотиб, аёл кишини босиб, камига уни узоққа судраб кетди 🤬

Ҳамма ўзи учун хулоса чиқарсин!

✉️ Юристга савол юбориш

Расмий каналимиз:
👉 @Yurist_Xizmati 👈

18k 0 50 38

Юрист Хизмати | Расмий канал

4 Jun, 04:56

🇺🇿 O’zbekistonda ilk bor Texnologik metallar oliy maktabi tashkil etildi

✅ Mazkur oliy maktab O‘zbekiston texnologik metallar kombinati (TMK) tomonidan tashkil etildi.

⚡️Bugungi kunda muhandislik faqat formulalar emas, balki dunyoni o‘zgartirish vositasi. Geologiya faqat qazish emas, balki strategik fikrlash san’ati. Ilm esa qog‘ozda emas, real sanoat markazlarida hayot topmoqda. Oliy maktabda ta’lim ana shunday zamonaviy qarashlar asosida olib boriladi.

🇨🇳 Oliy maktabning bakalavriat dasturida ta’lim jarayonlari Italiyaning nufuzli Piza universiteti bilan hamkorlikda olib boriladi. Dars jarayonlari ingliz tilida, eng muhimi ta’lim faqat auditoriyada emas, balki TMKning real ishlab chiqarish korxonalarida bo‘ladi.

Oliy maktabning yana bir maqsadi kritik minerallar yo‘nalishidagi magistratura dasturidir. Xitoyning Geofanlar universiteti bilan birgalikda yo‘lga qo‘yilgan bu loyiha xalqaro darajada geologiya, izlanish va razvedka sohalarida mutaxassislar tayyorlashga qaratilgan.

🔘 Ta’limning ikkinchi bosqichida magistrlar Xitoyda o’qishni davom ettirishadi. O‘qish jarayoni ingliz tilida olib boriladi, natijada bitiruvchilar ikki davlat diplomiga ega bo‘ladi.

🤩O’zbekiston texnologik metallar kombinati tomonidan bakalavr bosqichi uchun 25 ta grant, magistratura bosqichi uchun 10 ta grant ajratilgan. Oliy maktabni bitirgach esa talabalar TMK tomonidan to’liq ish bilan ta’minlanadi.

❕Ma’lumot uchun, ushbu oliy maktabning balakavr va magistratura yo’nalishlariga qabul joriy yilning 5-iyun sanasidan 25-iyun sanasiga qadar davom etadi.

✉️ Yuristga savol yuborish

Rasmiy kanalimiz
👉 @Yurist_Xizmati 👈

19.4k 0 32 8

Юрист Хизмати | Расмий канал

4 Jun, 04:48

7553322.pdf

1.6Mb

⚡️Иш ҳақи, пенсиялар, стипендиялар ва нафақалар миқдорини ошириш тўғрисида

Ўзбекистон Республикаси Президентининг Фармони, 02.06.2025 йилдаги ПФ-91-сон

✉️ Юристга савол юбориш

Расмий каналимиз:
👉 @Yurist_Xizmati 👈

20.7k 0 134 10

Юрист Хизмати | Расмий канал

3 Jun, 20:17

Ўқитувчи малака оширишга чиққанда, унга қай тартибда иш ҳақи тўланади?

@Yurist_Xizmati 5135-савол:

O'qituvchi bir oylik malakaga chiqqan vaqitda unga qay tartibda ish haqqi to'lanishi lozim?

ЮРИСТ ЖАВОБИ:

Меҳнат кодексининг 280-моддасига эътибор беринг! Унга кўра иш берувчи, ходим хизмат сафарида бўлган давр ва ходим ишдан ажралган ҳолда ўзи ва иш берувчи учун мажбурий бўлган қайта тайёрлашдан ёки мажбурий малака оширишдан ўтган давр ҳамда бошқа ҳолатларда кафолатли тўловларни амалга ошириши шарт.

МК 286-моддасига кўра, иш берувчи қуйидаги ҳолларда ходимга унинг ўз меҳнат мажбуриятларини бажариши билан боғлиқ харажатларни компенсация қилиши шарт:

▪️хизмат сафарларида бўлганда;
▪️иш берувчининг йўлланмаси билан касбий тайёргарликдан, қайта тайёрлаш, малака ошириш ва стажировкадан ўтганда.

💡Эътибор берган бўлсангиз, МК 280, 286 ва бошқа моддаларда малака ошириш ва хизмат сафари алоҳида-алоҳида кўрсатиляпти. Хизмат сафари ва малака ошириш даврида ходимнинг ўртача иш ҳақи сақлаб қолинади. Бунда Меҳнат кодексининг 257-моддасига асосан ходимнинг ўртача ойлик иш ҳақи ҳисобланади.

Ушбу модданинг учинчи қисмига кўра, Меҳнатга ҳақ тўлашнинг вақтбай тизимидаги ходимларнинг ўртача иш ҳақи ходимнинг ўртача иш ҳақи сақланиб қоладиган ойдан олдинги охирги календарь ой учун тариф ставкаси (лавозим маоши) миқдоридан келиб чиқиб, ходимнинг ўртача иш ҳақи сақланиб қоладиган ойдан олдинги ўн икки календарь ой учун устамалар, мукофотлар ва бошқа тўловлар (ушбу Кодекс 248-моддасининг учинчи қисмида назарда тутилган иш ҳақининг қўшимча қисми) суммасининг ўн иккидан бир қисми ўртача иш ҳақига жамланган ҳолда белгиланади.

☝️Мана шу қоидага кўра ходимнинг устамалари унинг ўртача иш ҳақини ҳисоблашда қўшилади.

✅ Демак, сизга малака ошириш даврида ўртача ойлик иш ҳақингиз тўлаб берилади.

✉️ Юристга савол юбориш

📞 Юрист билан қўнғироқ орқали боғланиш

📝Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

21.7k 1 183 5

Юрист Хизмати | Расмий канал

3 Jun, 20:14

00:12

Video oldindan ko‘rish uchun mavjud emas

Telegram'da ko‘rish

Telegram каналлар админлари билан тўғридан-тўғри мулоқот қилиш мумкин бўлди

Telegram мессенжери навбатдаги янгиланишда фойдаланувчилар эндиликда каналларга шахсий хабарлар юбориши ҳамда уларнинг эгалари ва админлари билан бевосита суҳбатлашиш имкониятини қўшди.

Бунда контент ижодкорлари (Telegram каналлар админлари) ушбу режимни ёқиб, обуначилар билан шахсий ахборотларини ошкор қилмасдан мулоқот қилиши мумкин.

👉 @Yurist_Xizmati

17.9k 0 18 15

Юрист Хизмати | Расмий канал

3 Jun, 19:07

30:05

Video oldindan ko‘rish uchun mavjud emas

Telegram'da ko‘rish

🐑 ҚУРБОНЛИК

00:00 Қурбонлик қилиш кимларга вожиб?
01:38 Қурбонлик қилишни вожиб қиладиган бойликнинг миқдори қандай ҳисобланади?
04:20 Бутун бир оиладан биргина қўй кифоя қиладими?
05:03 Бир киши рухсатсиз хотини ёки катта ўғли номидан қурбонлик сўйиши жоизми?
06:25 Бепарволик қилиб қурбонлик қилмаган киши нима қилади?
06:54 Ўтганларни номидан қурбонлик қилинадими?
08:02 Эркак ёки урғочи ҳайвонлардан қайси бирини қурбонлик қилиш афзал?
08:30 Қурбон ҳайити куни қурбонлик қилишдан аввал бирор нарса емай туришнинг диний асоси борми?
09:00 Қурбонлик қилишни ният қилган киши тирноқ ва сочларини олмаслиги керакми?
12:02 Вакиллик йўли билан қурбонлик қилса бўладими?
12:25 Қурбонликни вақти ҳақида тўхталиб ўтсангиз?
13:42 Қурбонлик қилиш мумкин бўлган кунлардан қайси бирида қурбонлик қилиш афзал?
14:21 Мусофир кишига қурбонлик қилиш вожиб бўладими?
14:47 Қассобга қурбонлик гўштидан ёки терисини иш ҳақи қилиб бериш жоизми?
16:13 Қурбонлик сўйишда "Бисмиллаҳи Аллоҳу акбар" демасдан "Бисмиллаҳ" деса ҳам ўтадими?
16:30 Қурбонлик учун сотиб олинган ҳайвонга кейинчалик бошқалар шерик бўла оладими?
17:38 Қурбонлик гўштидан бойларга берса бўладими?
18:24 Ҳайвон сотиб олинганидан сўнг касал бўлиб қолса уни қурбонлик қилса бўладими?
19:25 Қурбонлик гўштидан ўзга дин вакилларига ҳам бериш мумкинми?
19:43 Пайғамбаримиз Муҳаммад саллаллоҳу алайҳи ва салламга атаб қурбонлик учун қўй сўйиш мумкинми?
20:16 Ақиқа ва Ҳайитнинг қурбонлигини битта қилса бўладими?
21:18 Туя ва сигирга бир киши қурбонлик, яна бири назр, яна бири ақиқа, яна бири нафл ниятида қўшилса бўладими?
22:21 Ҳайвон сўйганда уни оғиз билан пуфлаб шишириш жоизми?
23:31 Қурбонлик қилинадиган ҳайвон неча ёш бўлиши керак?
24:00 Қурбонликка йиғилган пулни эҳсон қилиш афзалми?
24:37 Ҳаждаги қурбонлик, вожиб қурбонликка ўтадими?
26:37 Қурбонлик қилишда махсус дуо борми?
27:24 Ўзи сўйгани яхшими ёки қассобга сўйдирганими?
28:43 Қурбонлик қилаётганда ҳайвоннинг оёғидан ушлаб туриш керакми?
29:03 Расулуллоҳ соллаллоҳу алайҳи васаллам умматнинг номидан қурбонлик қилганмилар?

✅ Ўзбекистон мусулмонлари идораси Матбуот хизмати

👉 @Yurist_Xizmati

41.9k 1 533 22

Юрист Хизмати | Расмий канал

3 Jun, 10:32

⚡️Бир марталик ёрдам пули

Ноябрь ойида жами 1,3 миллион оилага, яъни ҳар 8 та оиладан 1 тасига – 1 млн сўмдан бир марталик ёрдам пули берилади, жумладан:

➖ Реестрга киритилган 950 минг оила
➖ Реестрда бўлмаган, лекин ёрдамга муҳтож 380 минг оила

✅ Бу маблағ оилаларнинг тарифлар ошиши билан боғлиқ 5 ойлик харажатларини қоплашга етарли бўлади.

⚠️ Бу бюджет томонидан тўлиқ қоплаб берилади.