Ummu Umayr 📌

Xo’sh, post bo’ydoqlar uchun emasdi. Og’riqlar tanish bo’lganda negativ fikrlash juda oson, siz pozitiv tomonni ko’rishga harakat qiling, yashash yengillashadi. Aslida birorta musibat fojeali emas, agar toqat ko’tarmasa, insonlarga berilmasdi. Alloh nafsimizga ortiqcha yuklama berishdan pok Zot. Keyin deyarli hamma sinov namunalari eng tanlangan bandalar - payg’ambarlarda bor. Demak, birovga sinov berilgani uni kamsitmaydi. Balki darajasini ko’tarishi mumkin.

Ehtimol, ketma-ket kichik bolalar kim uchundir ham tasavvurga og’riqli sinovdir, bilmaymiz. Shuning uchun shunaqa odamlarga boshqa turdagi musibat berilgan. Balki ular menga qarab chin dildan achinar, kim bilsin.)) Vaziyatlarni o’zgartirolmasak, unga munosabatni o’zgartirishimiz kerak. Bizga, biz uchun, bizning fe’limizdan kelib chiqib, eng yoqimsiz narsani tasavvur qilib ko’rishimiz kerak. Shunda hayot yengillashadi.

Necha kunlardan beri psixotip, temperament bo’yicha o’zini, erini va qaynonasini tushunish bo’yicha qo’llanmalar ustida ishlayman. Birinchi qismi tayyor bo’ldi. Ikki va uchni tugatayotib ko’p narsalar haqida o’yladim. Masalan, fitrat o’zgarishi haqida. Insonlar sof fitratda, o’z temperamenti, xarakter unsurlari bilan tug’iladi. Kimdir tez fikrlaydi, kimdir chuqurroq his qiladi. Tarbiya, muhit va ilmsizlik kishini o’z fitratidan uzoqlashtirib, uni buzib yuborar ekan. Keyin kishi o’zini va unga berilgan qadarni qabul qilishga qiynaladi, atrofdagilar va ularga berilganlarni ham qabul qilolmaydi. Og’riq bilan yashayvergach, umuman aloqasiz narsalar ham uning yarasiga tuz sepkandek tasavvurni uyg’otadi va alamzada bo’lib qoladi.

Fitratni saqlab qolish naqadar muhim…

Qiyinchiliklar rizq

Ko’pchilik uchta bola bilan endi qanday eplaysiz hammasini, deb so’rayapti. Xatto, uydagilarning yashirin havotiri bor, onam yo oyijon qiynalib qolishimni o’zimdanam ko’p o’ylayotganday.)) To’g’risi, qanday eplayman, bilmayman. Hozir biror rejayam yo’q. Aniq va muqarrar narsa - qiynalaman. Iloji yo’q boshqa 😃

Lekin mana nima meni xotirjam qilyapti 👇🏻

Yoshim 26 da va uchta bolam bor, alhamdulillah, 20-35 yosh orasi inson hayotining eng aktiv, energiyali davri. Bu davrdagi g’ayrat va uni ongli taqsimlash undan oldin ham, undan keyingi vaqtlar ham shu davrdagi kabi bo’lmaydi. Men mana shu davrni biror qaramlik: narkologiya, alkologiya yoki yana nimadir bilan kurashib o’tkizayotgan bo’lishim mumkin edi, Alloh asrasin. Yoki biror jiddiy kasallik yo jarohat asorati bilan kurashibmi, balki eng yengilida fitnalardan charchab, juftimni betoqat bo’lib kutayotgan bo’lishimam mumkin edi. Kim bilsin balki yo’limni topish, hayotimni izga solishga sarflardim bu resursni. Xullas, o’ylasam, syujetlar bir talay.

Lekin ayni damda men salomatman, Islomdaman, oilaliman va onaman, alhamdulillah! Qiyinchilik rizq, uning kayfiyati esa o’zgaradi. Har qanday holda kishi rizqini yashaydi, ammo uning turi tanlovga bog’liq.

😉 Men o’z keysim bilan ko’pincha psixoterapiyadan foydalanaman, kimdir sezadimi shuni? Yo faqat Umayroxon o’zini gapirib o’treykan, deb o’ylisizlarmi 😁

Eng ko’p reaksiyani shu izoh olibdi, masha Alloh! @ummuumayr_manager ga yozing 🫶

#duo

Bugun Juma va unda duo qabul bo’ladigan bir soat bor, ulamolar orasida bu vaqt borasida 42 ta xilof borligi “Fatxul Boriy”da kelgan ekan. Demak, juma kunini to’liq shom kirguncha g’animat bilishimiz kerak. Iltimos, hech bo’lmasa shu kunda xudbin bo’lmay, mazlum musulmonlar haqqiga duo qilib qo’yaylik.

Alloh qamoqdagi, asirlikdagi, musofir yurtdagi mazlumlarga ofiyat bersin, Falastin - G’azo, Afrika, Uyg’uriston, Birma, Hindiston, Yaman, Kashmir kabi davlatlardagi zaif musulmonlarga najot bersin, amiyn. Kasallarga shifo bersin, amiyn.


Ps. Rosululloh sollollohu alayhi vasallamning bizdagi haqlaridan biri ularga salovat aytishimiz. O’z haqqingizni ado eting, salovatni ko’paytiring. Salovat g’amlar ketishi hamda gunohlar mag’firat bo’lishiga sababchi ekan

Bizda yangilar bor ekan, xush kelibsiz!
Kanalga joylashib oling, siz bilan ham go’zal xotiralar yaratamiz, deb umid qilaman ✅

Kanal haqidagi tasavvuringizni “Mundarija” nomi bilan qadalgan postdan shakllantirishingiz mumkin!

Eskilar reaksiyalashguncha va yangilar tanishguncha bir-birimizga vaqt beramiz. Ertagacha 🙂‍↕️🤍

Qizlar, masha Alloh! Ba’zi izohlardan etlarim jimirladi, ko’zim yoshlandi, ba’zilarini o’qib, rostan shunaqa deb yozganmidim, deb hayronam qoldim. Boshdan oyoq irshayib o’qidim, og’zim hoziram qulog’imga yopishib qolgan.

Alhamdulillah, Alloh haqiqiy ma’noda sizlarni manga ne’mat qilib bergan. Alhamdulillah! Bunchalik iliq va samimiy xotiralar bizni bog’lashini tasavvuram qilmagandim! Hammaga rahmat!

😉Ertaga kechgacha kutaman, reaksiyasi eng ko’pini ertaga saralaymiz, insha Alloh!

Xo’sh-xo’sh, biroz barmoqlarni qizdiramiz 😃

Sizga meni nima eslatadi? Qaysi gap, so’z, hodisa, maqola yoki yana nimadir bilan xotirangizga joylashganman?))

Eng ko’p reaksiya to’plagan kishiga sovg’am bor 🤍