ВАЛЮТА КУРСИ

#иқтисодиёт #валюта #юань

Ўзбекистон ва Хитой ўртасида визасиз режим жорий этилди.

Ўзбекистон Миллий банки (NBU) Хитой юанини айирбошлашни бошлайди

🇺🇿🇨🇳 2025 йил 1 июндан бошлаб Ўзбекистон Республикаси ва Хитой Халқ Республикаси ўртасида визасиз режим тўғрисидаги битим кучга кирди. Эндиликда ҳар икки давлат фуқаролари 30 кунгача визасиз саёҳат қилиш ҳуқуқига эга бўладилар. Бу чора туризм ва савдо алоқаларининг ривожланишига сезиларли ҳисса қўшиши кутилмоқда.

❗️Тошкентда Хитой юани айирбошлаш имконияти кенгаймоқда. Аҳоли ва хорижий меҳмонлар учун қулайлик яратиш мақсадида, 2 июндан бошлаб Ўзбекистон Миллий банкининг (НБУ) Тошкент шаҳридаги барча валюта айирбошлаш шохобчаларида Хитой юанини (CNY) сотиб олиш ва сотиш амалиётлари йўлга қўйилди. Бу сайёҳлар ва тадбиркорлар учун муҳим янгилик бўлиб, юань билан боғлиқ операцияларни амалга оширишни анча осонлаштиради.

✈️ Шу билан бирга, Тошкент халқаро аэропортида жойлашган валюта айирбошлаш шохобчалари кеча-ю кундуз ишлайди. Бу шохобчалар учиб кетиш ва учиб келиш ҳудудларида жойлашгани сабабли, мижозларга саёҳатнинг барча босқичларида қулай хизмат кўрсатишни таъминлайди. Сайёҳлар Хитойга учишдан олдин юань сотиб олишлари ва қайтишда қолган валютани айирбошлашлари мумкин.


👇 Каналга уланиш:
https://t.me/+N6gYmFk1Da4zYWMy

#прогноз #валюта #курс

Эртага АҚШ доллари курсининг кўтарилиши кутилмоқда ⬆️ 43 сўм


🌐 Манба: dollaruz.net

👇 Каналга уланиш:
https://t.me/+N6gYmFk1Da4zYWMy

#иқтисодиёт #ЖСТ

Ўзбекистон ЖСТга аъзо бўлиш бўйича Буюк Британия билан икки томонлама музокараларни якунлади

Ўзбекистоннинг Жаҳон савдо ташкилоти (ЖСТ) бўйича махсус вакили Азизбек Урунов — яқинда Буюк Британия билан икки томонлама музокаралар якунланганини эълон қилди. Бу Буюк Британияни Ўзбекистон бундай музокараларни якунлаган 24-мамлакатга айлантиради.

Бу келишувни расмийлаштирадиган протокол 2025 йил 12 июнь куни Женевада бўлиб ўтадиган ЖСТнинг 10-йиғилишида имзоланиши кутилмоқда.

📌 Бу воқеа Ўзбекистоннинг ЖСТга аъзо бўлиш йўлидаги муҳим қадамларидан бири ҳисобланади.
📌 Ўтган йил давомида Ўзбекистон АҚШ, Хитой ва Филиппин каби йирик давлатлар билан ҳам шунга ўхшаш музокараларни якунлади.
📌 Бу келишувлар Ўзбекистон савдо сиёсатини халқаро стандартларга мувофиқлаштириш ва 2026 йил мартда Камерунда бўлиб ўтадиган 14-Вазирлар конференциясида ЖСТга тўлиқ аъзо бўлиш мақсадида амалга оширилмоқда.

Буюк Британия билан музокаралар якунланиши Ўзбекистоннинг глобал савдо тизимига тўлиқ интеграцияланиш йўлида жиддий ва изчил ҳаракат қилаётганини ҳамда халқаро ҳамжамият томонидан қўллаб-қувватланаётганини кўрсатади. Энди фақатгина бир неча мамлакатлар билан келишувлар қолгани айтилмоқда.


👇 Каналга уланиш:
https://t.me/+N6gYmFk1Da4zYWMy

#иқтисодиёт #маркетинг #реклама

📣 Маркетинг — бу сиз ўзингиз ҳақингизда нима дейишингиз.
📢 PR (оммавий ахборот билан ишлаш) — бу бошқалар сиз ҳақингизда нима дейиши.

Маркетинг орқали сиз маҳсулотни, хизматни ёки ўзингизни таништирасиз. Лекин PR — сиз ҳақингиздаги обрў, ишонч ва жамоатчилик фикрини шакллантиради.

☑️ Яъни:
▪️Маркетинг одамларга: “Мана, мен зўрман!” дейди.
▪️PR эса одамларнинг ўзига: “У ҳақиқатан зўр экан!” дедиради.

🔑 Хуллас:
Маркетинг — сотади.
PR — ишонтиради.
Иккаласи ҳам керак, лекин ишончни PR беради, натижани маркетинг кўрсатади.


🌐 Манба: Банкирлар учун

👇 Каналга уланиш:
https://t.me/+N6gYmFk1Da4zYWMy

#прогноз #валюта #курс

Доллар курси нималарга боғлиқ?

Одамлар орасида доллар курсининг ошишига банкларнинг «нархни атайлаб кўтариши» сабаб деган тушунча кенг тарқалган. Аслида эса валюта курси бозордаги талаб ва таклифдан тортиб, халқаро молиявий вазиятгача бўлган омилларга боғлиқ равишда шаклланади.

Доллар курси — унинг миллий валютадаги, яъни сўмдаги баҳоси ҳисобланади. Кўпчилик унинг ошиши ёки тушиши банклар сиёсатидан келиб чиқади, деб ўйлайди. Аммо курс ўзгаришига таъсир этувчи омиллар кўп ва турлича. Улардан асосийлари қуйидагилар:

☑️ Иқтисодий бозор қонунига кўра, агар долларга талаб юқори, таклиф эса чекланган бўлса, унинг нархи — яъни курси ошади. Аксинча, доллар таклифи кўпайиб, унга талаб камайса, курс пасаяди.

☑️ Мамлакатда инфляция паст, иқтисод барқарор бўлса, аҳоли сўмда тежамкорликни афзал кўради. Бу долларга талабни камайтиради. Агар нарх-наво кўтарилиб, аҳоли реал даромади камайса, одамлар маблағини долларда сақлашга уринади. Натижада валютага талаб ошади ва курс кўтарилади.

☑️ Дунёдаги геосиёсий тангликлар, инқирозлар ёки урушлар долларнинг «ишончли валюта» сифатида аҳамиятини оширади. Бу глобал даражада унга талабни ошириб, курснинг ўсишига олиб келади.

☑️ Ўзбекистонга хориждан келадиган пул миқдори — меҳнат мигрантлари ва сармоялар ҳисобидан — доллар таклифини кўпайтирса, курсга босим тушади. Агар пул ўтказмалари камайса, доллар камайиб, нархи ўсади.

☑️ Ўзбекистон Марказий банки валюта бозоридаги мувозанатни сақлаш учун интервенциялар амалга оширади — доллар сотади ёки харид қилади. Шу орқали курсга қисқа муддатли таъсир кўрсата олади. Шунингдек, банкнинг асосий фоиз ставкалари ҳам валютага талабга таъсир кўрсатади.

☑️ Давлатнинг ташқи қарзлари ва импорт ҳажми қанча кўп бўлса, уларни қоплаш учун долларга эҳтиёж шунча юқори бўлади. Бу ҳам курснинг ўсишига олиб келади. Экспорт ўсиши эса аксинча, мамлакатга доллар келиб тушишини таъминлаб, валюта курсини пасайтириши мумкин.

Доллар курси кўплаб ички ва ташқи иқтисодий омиллар таъсирида шаклланади. Унга фақат банкларнинг қарори эмас, балки бозордаги воқеликлар ҳам жиддий таъсир кўрсатади. Шу боис, валюта бозоридаги ўзгаришларни чуқур таҳлил қилиш ва унинг сабабларини тўғри тушуниш муҳим аҳамиятга эга.


🌐 Манба: Vaqt:uz

👇 Каналга уланиш:
https://t.me/+N6gYmFk1Da4zYWMy

#иқтисодиёт #банк #омонат

Аҳоли бўш маблағларини омонатга қўйиши кескин қисқарди

Бу Марказий банк кўрсатмаси асосида барча банкларда омонат фоизларининг туширилиши билан боғлиқ. Бозор қонуниятларига бюрократик аралашувнинг дастлабки оқибатлари шундай бўлади.

Бакиронинг ёзишича, апрель ойида банкларнинг умумий депозит портфели 13,2 трлн.сўмга ўсиб, 339,2 трлн.сўмга етган. Лекин ўсишнинг 12,5 трлн.сўми корпоратив депозитларга тўғри келган.

Аҳоли омонатлари эса атига 0,7 трлн.сўмга кўпайган ва 1 май ҳолатига 129,9 трлн.сўмга етган. Солиштириш учун, омонатлар фоиз ставкалари кескин тушириб юборилишидан олдин, март ойида омонатлар қолдиғи 5,3 трлн. сўмга ўсганди. Умуман олганда, 18 та банкда, шундан 5 таси давлат банки, омонат қолдиғини қисқариши ёки ўсмагани қайд этилган.

Омонатлар қолдиғининг энг кўп қисқариши Ипотекабанк (-440 млрд.сўм), ОФБ (-147 млрд.сўм) ва Халқ банкида (-105 млрд.сўм) қайд этилган.


👇 Каналга уланиш:
https://t.me/+N6gYmFk1Da4zYWMy

#фойдали #валюта #сўм #олтин #омонат #банк

1 миллион сўмингиз бор. Сақлашни хоҳлаяпсиз. Қайси йўлни танлайсиз: сўмдаги омонат, доллар ёки олтин?

Келинг, 2025 йилнинг 3 январидан 29 майгача бўлган 5 ойлик маълумотлар асосида анализ қилиб чиқамиз.

☑️ 1 млн сўмни банкка сўмдаги омонатга йиллик 21% фоизда қўйдик.
👉 йиллик фоизни 21% 5 ойда ҳисоблаймиз: 87 500 сўм фойда келтиради.

☑️ 1 млн сўмни долларга алмаштириб, 7% фоизда омонатга қўйдик.
3 январда 1 доллар = 12 904,91 сўм эди. Шу курс бўйича 1 000 000 сўм = 77,5 доллар бўлади.
Бу 77,5 доллар 5 ойда йиллик 7% ставкада:
👉 Яъни 5 ойда омонат: 77,5 + 2,26 = 79,76 доллар бўлади. 29 майда 1 доллар = 12 831,13 сўм бўлди.
👉 79,76 доллар × 12 831,13 сўм = 1 023 200 сўм.
📉 Натижа: 1 000 000 сўм → 1 023 200 сўм (23 200 сўм фойда)
Фоиз олдиндан яхши туюлади, лекин курс тушгани учун фойда кам бўлди.

☑️ 1 млн сўмга 3 январда олтин қуймаси олдик.
🟡 3 январда 10 грамм олтин = 8 277 000 сўм эди.
👉 1 000 000 сўмга 1,208 грамм олтин олдик.
🟡 29 майда 10 грамм олтин = 8 994 000 сўм бўлди.
👉 1,208 грамм = 1 087 635 сўм.
✅ Натижа:
1 000 000 сўм → 1 087 635 сўм (87 635 сўм фойда)
Даромад сўмдаги омонатга яқин, лекин кафолатсиз ва бозорга боғлиқ.

☝️Шошилмай, ҳисоблаб, ўйлаб, мақсадингизга қараб танланг. Пул сақлаш — бу санъат. Лекин пулни тўғри сақлаш — стратегия.

Ушбу ҳисоб-китоблар ўтган давр учун. Келажакда сўмдаги омоанатми, АҚШ долларидагими ёки олтинми буни қандай бўлишини ҳеч ким билмайди.


🌐 Манба: Bankxabar

👇 Каналга уланиш:
https://t.me/+N6gYmFk1Da4zYWMy