ХОТИН-ҚИЗЛАРГА 100 МЛН СЎМГАЧА ГАРОВСИЗ КРЕДИТ, 50 МЛН СЎМГАЧА ГРАНТ АЖРАТИЛАДИ, ҲОМИЛАДОРЛИК ВА ТУҒИШ ТАЪТИЛИНИ ОЛГАН АЁЛЛАР КРЕДИТ ТЎЛОВ МУДДАТИ 10 ОЙГАЧА УЗАЙТИРИЛАДИ

Президентимизнинг "Оила ва хотин-қизларни қўллаб-қувватлаш тизимини янада такомиллаштириш чора-тадбирлари тўғрисида"ги қарори (ПҚ-103, 14.03.2025й) қабул қилинди.

☑️Унга кўра, 2025 йилда:

▪️2 млн нафар хотин-қизлар бандилиги таъминланади;

▪️250 минг нафар хотин-қизларни касб-ҳунар ва тадбиркорликка ўқитилади;

▪️250 минг нафар хотин-қизлар олий таълим билан қамраб олинади;

▪️50 минг нафар эҳтиёжманд хотин-қизларни санаторийларда соғломлаштириш ҳамда уларда тадбиркорлик кўникмаларини шакллантириш бўйича мотивацион семинарлар ташкил этилади.

☑️Аёллар тадбиркорлигини қўллаб-қувватлаш мақсадида "HAMROH" тадбиркор аёлларни қўллаб-қувватлаш дастури доирасида 2025 йил 1 майдан бошлаб:

▪️хотин-қизларга "яшил лойиҳалар" ва IT соҳасидаги лойиҳаларни амалга оширишга, шунингдек, камида 5 нафар хотин-қизнинг тадбиркорлигини йўлга қўйишга кўмаклашган 1 минг нафар "устоз" тадбиркорларга 50 млн сўмгача грант ажратиш йўлга қўйилади.

▪️ижобий кредит тарихига эга бўлган хотин-қизларга 100 млн сўмгача гаровсиз кредит ажратилади;

▪️Аёл тадбиркорлар томонидан кредит ҳисобидан сотиб олинаётган асбоб-ускуналар етказиб берилгунга қадар "Тадбиркорликни ривожлантириш компанияси" АЖ томонидан кафиллик тақдим этилади.

☑️Марказий банк тижорат банклари билан биргаликда 2025 йил 1 августга қадар Аёллар тадбиркорлигини қўллаб-қувватлаш йўналишида молиявий хизматлар кўрсатиш стратегиясини тасдиқлайди. Бунда ҳомиладорлик ва туғиш таътилини олган аёллар учун банк кредитлари бўйича тўловлар муддатини 10 ойгача узайтиришни назарда тутади.

☑️Марказий банк (Т.Ишметов) ва тижорат банклари 1 миллион 300 минг нафар хотин-қизларни бандлигини таъминлаш ва тадбиркорликка жалб этишга масъуллиги белгиланди.

👉 @bankirkundaligi 👈