Асланов билан футбол

- Тактик алмаштириш, дедик

- Кичик жароҳат, дедик

- «МЮ»га қарши ўйинга асраяпти, дедик.

- Билмайман, дедик

- Охирги турда тушади, дедик

- Клублар ўртасидаги жаҳон чемпионати ўйнайди, дедик.

Бўлди, бошқа бахона қолмади, энди сизларни ушлаб тура олмайман, Гвардиолани сўкаверинглар :)

@aslanov_futbol

Менимча, бу мавзуни ошириб ҳам, камайтириб ҳам юбормаслик керак.

Аслида, иккита алоҳида савол:

1) Йўлланмалар сони ошиши бизга ёрдам бердими - Ҳа, албатта. Ҳар қанақасига кучли олтиликка кириш кучли тўртликка киришдан осонроқ. Факт бу.

2) Агар йўлланмалар сони ошмаганда ҳам чиқа олмасмидик? - Билмадим. Ҳеч ким аниқ билмайди. Биз тўртликка киришимизга 2 гол етмаган пайтимиз ҳам, 1 гол етмаган пайтимиз ҳам бўлган. Кучли 12 таликка кирмаган пайтимиз ҳам бўлган. Охирги икки ЖЧда 6 таликка кира олмаганмиз, ҳозир эса кирдик.

Демак, ҳозирги натижамизни осмонга кўтариш ҳам, жуда пастга уриш ҳам хато.

@aslanov_futbol

Усмон Дембеле "Олтин тўп" фаворити ушбу мавсумда барча мусобақаларда 33+13 қилди. Килиан Мбаппе Парижда фақат икки мавсумда сал камроқ кўрсаткич қайд этган, 5 мавсумда 40+ гол уришнинг уддасидан чиққан. Аммо деярли ҳеч қачон "Олтин тўп" курашида фаворит бўлмаган.

Ҳа, Мбаппе ҳозир ҳам фаворит эмас, лекин энди унинг номи Ямал ё Педри каби кўпроқ тилга олиниши табиий, чунки дунё Ла Лигани кўпроқ кўради. Афсуски, "ПСЖ" футболчисининг тақдири шундай - қачонки Чемпионлар Лигасини ютса, у ҳақида гапира бошлашади, ахир агар бу йил "ПСЖ" шу совринни ютмаганда, кимдир Дуэ, Витиня ёки Дембеле ҳақида гапираётган бўлармиди? Менимча йўқ. Бу футболчилар юлдузлар рўйхатида доим бўлиши учун ҳар йил Чемпионлар Лигаси финалига чиқиши керак, бошқа йўл йўқ. Биз Вератти деган зўр яримҳимоячи борлигини, Парижда ўйнашини билардик, тамом, кузатмасдик.

Футболда эса кузатилмаслик энг оғир жазо. Бир пайтлар Неймар Мессининг соясидан қочиб "ПСЖ" жозибасига учганди, лекин Франция чемпионатининг сояси янаям қоронғу.

@aslanov_futbol

Хитон бирорта ўйиндаям майдонга тушмаган лекин.

@aslanov_futbol

“Тесей кемаси” деган машҳур парадокс бор. Дейлик, бир қайиқ бор, вақт ўтиб унинг битта тахтасини алмаштирдингиз. Яна бир неча ой ўтгач, ремонт қилишга мажбур бўлдингиз ва яна бир қанча тахталар янгиланди. Бошқа деталлари алмашди. Хуллас, бир кун келиб, навбати билан ҳамма ёғоч алмашиб кетса, мана шу қайиқ ўша бошидаги қайиқ бўладими ёки бутунлай бошқа қайиққа айланадими?

Ўша қайиқ бўлса, дастлабки қайиқдан бирортаям детал қолмаган-ку? Агар бу энди бошқа қайиқ бўлса, қачондан бери? Яъни охирги тахтани алмаштиришган пайтда бошқа қайиққа айланган бўлса, шу биргина охирги тахта шунчалик муҳимми? Аввалроқ бошқа қайиққа айланган бўлса, айнан қачон, нечинчи тахта алмашганда бошқа қайиққа айланган?

Хуллас, аввалги замонлар анча зерикарли бўлган, мана шунақа фалсафа суқиб баҳслашиб ўтиришган. Клублар ўртасида жаҳон чемпионати ўтаётган бўлса-да, катта футболда озгина танаффус. Биз ҳам зерикяпмиз-да, узр :)

Бу парадокснинг эслаганимнинг сабаби, шу ой охирида Жонни Эванс футболни тарк этади ва “Манчестер Юнайтед”да Алекс Фергюсон жамоасидан ҳеч ким қолмайди. Бу биринчи шунақа мавсум бўлади. 2023 йил ёзгача Давид де Хеа таркибда бўлган, у кетиши билан Эванс қайтиб келди ва эстафета узилмади. Ана энди, “МЮ”да Фергюсон қайиғидан ҳеч ким қолмади.

Яъни, агар парадоксдаги баҳслардан келиб чиқсак, ана энди бу бутунлай бошқа, Алекс Фергюсонга умуман алоқаси бўлмаган жамоа. Қизиғи, эски қайиқ денгизнинг энг тубига ҳам тушиб кўрди, энди нима бўларкин, кўрамиз.

@aslanov_futbol

Нимаям дердим, 14% ни табриклайман, кўпчиликка ўхшамаган ўзига хос дид соҳиби бўлганликлари учун :))

@aslanov_futbol

Ўзи Европа клубларида янги келган футболчиларнинг жамоага қўшилиб кетиши учун шунақа кўнгилочар тадбир уюштириш ва уларга қўшиқ айттириш одати бор. Жамоадошларинг олдида қўшиқ айтдингми, демак бошқа масалаларда уялмайсан.

Ҳусанов, Мармуш каби футболчилар қишда келган бўлса-да, қўшиқни энди айтишаётгани ҳам тушунарли, январда "Манчестер Сити"га қўшиқ айтиш ярашмасди :)

@aslanov_futbol

Твиттерда бир ҳазил ўқидим: Постекўғли Франкка «Сенга маслаҳатим, соврин ютма» дебди.

Ростанам ўринли. Почеттино Чемпионлар Лигаси финалига чиққанидан бир неча ой ўтиб истеъфога чиқарилди. Моуриньо Лига кубоги финалига чиқиб, финалдан бир ҳафта олдин кетказилди. Постекўғли эса Европа Лигасини ютиб, ишдан бўшатилди. Қизиқ жамоа :)

@aslanov_futbol